जम्मू – काश्मीर विधानसभा निवडणुकीसाठी भाजपची तिसरी यादी जाहीर

काँग्रेस – नॅशनल कॉन्फरन्स ८३ जागांवर एकत्र लढणार

27-Aug-2024

Total Views | 39

नवी दिल्ली : जम्मू-काश्मीर विधानसभा निवडणुकीसाठी भाजपने 29 उमेदवारांची तिसरी यादी जाहीर केली. दुसऱ्या टप्प्यासाठी 10 तर तिसऱ्या टप्प्यासाठी 19 उमेदवारांची नावे आहेत. भाजपने 26 ऑगस्ट रोजी पक्षाने 5 तासांत 3 याद्या जाहीर केल्या होत्या. सकाळी 10 वाजता जाहीर झालेल्या यादीत 44 नावे होती, नंतर काही कारणांमुळे ही यादी मागे घेण्यात आली.

दोन तासांनंतर 15 नावांची नवीन यादी जाहीर करण्यात आली. तीन तासांनंतर एका नावाची दुसरी जारी केली होती. मंगळवारी जाहीर झालेल्या तिसऱ्या यादीत पक्षाने कालच्या २८ नावांची पुनरावृत्ती केली आहे. केवळ श्रीमाता वैष्णोदेवी मतदारसंघातून रोहित दुबे यांच्या जागी पक्षाने बलदेव राज शर्मा यांना तिकीट दिले आहे.

हे वाचलंत का? -

पंतप्रधान मोदी करणार भाजप सदस्यत्व मोहिमेचा शुभारंभ

जम्मू-काश्मीर विधानसभा निवडणुकीसाठी नॅशनल कॉन्फरन्स आणि काँग्रेस यांच्यात झालेल्या मॅरेथॉन बैठकीनंतर सोमवारी 83 जागा एकत्र लढण्याचा निर्णय झाला आहे. यामध्ये 51 जागांवर राष्ट्रवादीचे उमेदवार तर 32 जागांवर काँग्रेसचे उमेदवार निवडणूक लढवणार आहेत. पाच जागांवर एकमत न झाल्याने मैत्रीपूर्ण लढत होणार आहे. तर एक जागा सीपीआय(एम) आणि एक जागा पँथर्स पार्टीला देण्यात आली आहे.