वारीला जागतिक वारसा नामांकन देण्याचा प्रस्ताव सादर

मुंबई : पंढरपूरच्या वारीला युनेस्को जागतिक मौखिक आणि अमूर्त वारसा नामांकन प्राप्त व्हावे, याचे संशोधन करण्यासाठी राज्य शासनाने मुंबई येथील ‘मे. आभा नारायण लांबा असोसिएट्स’ या आस्थापनाची नियुक्ती केली होती. या आस्थापनाने याविषयीचे संशोधन आणि व्हिडिओ चित्रीकरण पुरातत्त्व विभागाच्या संचालकांकडे सादर केले आहे. पुरातत्त्व विभाग याविषयीचा प्रस्ताव तयार करणार आहे. हा प्रस्ताव तयार करण्यासाठी राज्य शासनाकडून पुरातत्त्व विभागाला 8 लाख 85 हजार रुपये निधी देण्यात आला.