झारखंडमधील मॉब लिंचिंग प्रकरणी टिकटॉककडून तीन यूजर्सवर बॅन

काही दिवसांपूर्वी टिक टॉक हे ऍप एक वादग्रस्त विषय बनला होता. त्यानंतर पुन्हा एकदा ते एका चर्चेचा विषय बनला आहे याचे कारण म्हणजे झारखंडमध्ये झालेल्या तबरेझ अन्सारी या मुस्लिम तरुणाच्या आंदोलनाचा व्हिडीओ. या टिक टॉकवर वायरल झालेल्या व्हिडीओमुळे तणावाचे वातावरण निर्माण झाल्यानंतर मुंबई पोलिसांनी टिक टॉक वर आक्षेप घेतला आणि त्याच्या दुसऱ्याच दिवशी टिक टॉक ने या घटनेला कारणीभूत असलेल्या ३ यूजर्सना बॅन केले आहे.

शिवसेनेचे कार्यकर्ते रमेश सोळंकी यांनी टिकटॉकवर असलेल्या 'टीम ०७' नावाच्या एका ग्रुपविरुद्ध पोलिसांच्या सायबर सेलमध्ये तक्रार केली होती. या ग्रुपमध्ये ४ कोटी लोकांचा सहभाग होता आणि या ग्रुपचा वापर अशांतता आणि द्वेष पसरवण्यास केला जात होता हे पोलिसांना समजले. त्यानंतर टिकटॉकवर ही कारवाई करण्यात आली.

दरम्यान टिकटॉकने दिलेल्या माहितीनुसार टिकटॉकवर अपलोड करण्यात आलेला तो वादग्रस्त व्हिडीओ डिलीट करण्यात आला असून या कृत्याकडे दुर्लक्ष केले जाणार नाही, त्यामुळे हसनैन खान, फैसल शेख आणि शदन फारुकी या तीन यूजर्सना बॅन करण्यात आले असून त्यांच्यावर योग्य ती कारवाई करण्यात येत आहे.

माहितीच्या महापुरात रोजच्या रोज नेमका मजकूर मिळविण्यासाठी लाईक करा... facebook.com/MahaMTB/ आणि फॉलो कराtwitter.com/MTarunBharat