आता प्रदुषण होत नाही का? समुद्रात कचरा फेकणाऱ्यांबद्दल Xवर संताप

मुंबई : मुंबई शहरातील वाढत्या वायू प्रदुषणामुळे महापालिका प्रशासन सतर्क असून सरकार पातळीवर नवनवीन उपाययोजना राबविण्यासाठी हालचाली सुरू आहेत. दरम्यान, पालिका प्रशासन वायू प्रदुषणाबाबत उपाययोजना करण्यात व्यस्त असताना एका व्यक्तीने X वर पोस्ट करत आणखी नवा एक नवा मुद्दा उपस्थित केला आहे.

दरम्यान, X वर पोस्ट करण्यात आलेल्या व्हिडीओत मुस्लिम व्यक्तीकडून समुद्रात दोन-तीन पिशव्या भरून निर्माल्य टाकताना दिसत आहे. यासंदर्भात व्हिडीओ पोस्ट करणाऱ्या व्यक्तीने आपला संताप व्यक्त करत मुंबईतील सुज्ञ आणि धर्मनिरपेक्ष नागरिकांना आवाहन करत म्हटले की, समुद्रात कचरा टाकल्यामुळे पर्यावरण दूषित होणार नाही का? आता कुठे आहेत पर्यावरणवादी? केवळ फटाक्यांमुळेच पर्यावरण दूषित होते का? असा रोकडा सवाल या व्यक्तीने विचारला आहे.

विशेष म्हणजे या व्यक्तीने X वर पोस्ट करताना मुंबई महापालिका आणि मुंबई पोलीस प्रशासनास यावेळी टॅग केल्याचे पाहायला मिळाले.