मुख्यमंत्री देवेंद्र फडणवीस यांच्या हस्ते मुंबईत ‘ग्लोबल गुंतवणुकीचा’ मुहूर्त

- बीकेसीतील 3 प्रमुख भूखंडांचे आंतरराष्ट्रीय गुंतवणूकदारांना वाटप - बीकेसीतील भूखंड विक्रीतून ₹3840 कोटींचा महसूल; 15,000 हाय-टेक नोकऱ्यांचा मार्ग मोकळा

03-Jun-2025

Total Views | 9

Chief Minister devendra Fadnavis inaugurates Global Investment in Mumbai

मुंबई: मुख्यमंत्री देवेंद्र फडणवीस यांच्या हस्ते सुमिटोमो रिअ‍ॅलिटी अँड डेव्हलपमेंट (जपान) व ब्रूकफिल्ड स्ट्रॅटेजिक रिअल इस्टेट या आंतरराष्ट्रीय कंपन्यांना बीकेसीतील 3 महत्त्वाच्या भूखंडांचे वाटपपत्र आज प्रदान करण्यात आले. या व्यवहारातून मुंबई महानगर प्रदेश विकास प्राधिकरणाला (एमएमआरडीए) एकूण ₹3840.49 कोटींचे उत्पन्न मिळाले असून, या माध्यमातून सुमारे 15,000 हाय-टेक नोकऱ्या निर्माण होणार असल्याचे मुख्यमंत्री देवेंद्र फडणवीस म्हणाले.

सुमिटोमो कंपनीच्या भारतीय उपकंपनीने बीकेसीतील सी-13 व सी-19 या दोन भूखंडांसाठी सर्वोच्च बोली लावली. तर ब्रूकफिल्डच्या उपकंपनीने सी-80 हा भूखंड मिळवला. यापूर्वी वर्ल्ड इकॉनॉमिक फोरमच्या 55व्या वार्षिक बैठकीदरम्यान दोन्ही कंपन्यांसोबत अनुक्रमे 5 अब्ज व 12 अब्ज डॉलर्सच्या गुंतवणुकीचे करार करण्यात आले असल्याचे मुख्यमंत्री फडणवीस म्हणाले.

या प्रकल्पांमुळे बीकेसी हे केंद्र लवकरच देशातील नंबर 1 व्यावसायिक हब होईल, असा विश्वास मुख्यमंत्री यांनी यावेळी व्यक्त केला. 2030 पर्यंत USD 300 अब्ज अर्थव्यवस्था व 30 लाख रोजगार निर्माण करण्याच्या दृष्टीने हा टप्पा महत्त्वपूर्ण असल्याचेही मुख्यमंत्री फडणवीस यांनी यावेळी सांगितले. यावेळी एमएमआरडीएचे आयुक्त तसेच जपानचे शिष्टमंडळ उपस्थित होते.