वाढवण बंदरामुळे आंतरराष्ट्रीय रोजगाराच्या संधी

यावेळी व्यासपीठावर नवलनाथ तांबे, उद्योजक रमेश पवार, शरद वाघ, अपर्णा वाघ आदि उपस्थित होते. पुढे बोलताना वाघ म्हणाले की, “शैक्षणिक स्तरावर विद्यार्थ्यांना बंदरांचा अभ्यास उपलब्ध करून देण्याची गरज आहे. त्याचबरोबर वाढवण बंदरामुळे भारताचा इतर देशांसोबतचा व्यापार, उद्योग मोठ्या प्रमाणावर वाढणार आहे. तसेच, नाशिकपासून अवघ्या 150 किमी अंतरावर असलेले वाढवण बंदर गुजरात-मुंबईबरोबरच अनेक जवळच्या रेल्वेस्थानकांनाही खूपच जवळ आहे. येत्या दहा वर्षांमध्ये या बंदरामुळे अनेक क्षेत्रांमध्ये भारताची प्रगती झपाट्याने होणार असल्याचा विश्वासही त्यांनी यावेळी व्यक्त केला. 2030 साल उजाडेपर्यंत जागतिक बाजारपेठेत भारताच्या अनेक क्षेत्रांचा विकास झालेला दिसेल,” असेही वाघ यांनी यावेळी सांगितले.