श्री परशुराम भवनाचा उपयोग सर्वांना होईल

संस्थेचे अध्यक्ष विजय साने यांनी मान्यवरांचे स्वागत करून प्रास्ताविक केले. संस्थेची 92 वर्षांची उज्ज्वल वाटचाल सुरू असल्याचे सांगत विविध समाजोपयोगी उपक्रम व कार्यक्रमांचा उल्लेख करून कार्याचा आढावा त्यांनी घेतला. देणगीदारांविषयी कृतज्ञता व्यक्त करून आगामी प्रकल्पांची माहिती त्यांनी दिली. देणगीदारांचे सत्कारही करण्यात आले.

या कार्यक्रमाला ब्राह्मण ज्ञातीतील अनेक समाजबांधव उपस्थित होते. यावेळी परशुराम भवन प्रकल्प चित्रफीत दाखविण्यात आली, तर कोनशिलेचे अनावरण मान्यवरांच्या हस्ते करण्यात आले. मैथिली गोखले यांनी सूत्रसंचालन, नितीन सहस्रबुद्धे यांनी आभार मानले. ‘चित्पावन ब्राह्मण संघा’चे विश्वस्त मंडळाचे प्रा. दिलीप फडके, प्रा. प्रभाकर केळकर, देवेंद्र बापट, विवेक गोगटे, डॉ. विजय काकतकर, अनिरुद्ध अभ्यंकर, अभय खरे, मंगला जोगळेकर, श्रीरंग वैशंपायन, सुधीर दामले, सुवर्णा सहस्रबुद्धे, सुशील सहस्रबुद्धे, डॉ. अजित कुमठेकर, हेमंत वाड, विद्यासागर जोशी या कार्यकारिणी सदस्यांनी कार्यक्रमाच्या यशस्वीतेसाठी परिश्रम घेतले.

जुन्या सीबीएसजवळ र. के. पटवर्धन परशुराम भवन ही भव्य वास्तू दिमाखात उभी राहिली आहे. अडीच हजार चौरस फुटांच्या परशुराम भवनसाठी पाच कोटी रुपयांचा निधी खर्च करण्यात आला आहे. ‘चित्पावन संस्थे’च्या देणगी फंडातून ही रक्कम उभी करण्यात आली आहे. पुण्यात असलेल्या परशुराम भवनपेक्षा नाशिकमधील वास्तू अधिक भव्य असून राज्यातील ही पहिलीच दिमाखदार वास्तू ठरेल. या इमारतीत व्यावसायिक वापरासाठी जागा असून तळघरात पार्किंगची व्यवस्था करण्यात आली आहे. महिलांसाठी स्वतंत्र दालन उपलब्ध असेल. समारंभांकरिता बँक्वेट हॉल, वसतिगृहासाठी दहा खोल्या असून जवळपास 35 विद्यार्थ्यांची तेथे राहण्याची व्यवस्था होईल.