काँग्रेस सरकारच्या काळात राजस्थानमध्ये हिंदू संतही असुरक्षित; संत मोहन दास यांची हत्या

 

जयपूर : राजस्थानमधील नागौरमध्ये ७० वर्षीय संत मोहन दास यांची चाकूने भोसकून हत्या केल्याची घटना समोर आली आहे. त्यांचा मृतदेह आश्रमाच्या फरशीवर पडला होता. कुचामण पोलीस ठाण्याच्या हद्दीतील रसाळ गावात हा आश्रम आहे. या आश्रमातील भैरो बाबा मंदिरात संत मोहन दास मागच्या १४ वर्षांपासून सेवा करत होते.

 

संत मोहन दास यांच्या हत्येची बातमी सोमवारी (१४ ऑगस्ट २०२३) सकाळी लोकांसमोर आली. मीडिया रिपोर्ट्सनुसार, नर सिंह नावाचा भक्त सोमवारी सकाळी ८ वाजता आश्रमात गेला. त्यांनी संत मोहन दास यांना हाक मारली, पण उत्तर मिळाले नाही. यानंतर ते मंदिराच्या पाठीमागील व्हरांड्याच्या दिशेने गेले असता त्यांना पलंगाच्या कडेला संत मोहन दास यांचा मृतदेह पडलेला दिसला. त्यांनी तत्काळ गावकऱ्यांना माहिती दिली. यानंतर सकाळी ८.३० च्या सुमारास पोलीस घटनास्थळी पोहोचले.

 

रविवारी (१३ ऑगस्ट २०२३) रात्री हा खून झाल्याचे पोलिसांनी प्राथमिक तपासानंतर सांगितले आहे. त्याच्या शरीरावर धारदार शस्त्राच्या अनेक खुणा आढळून आल्या आहेत. या हत्येप्रकरणी मोहन दास यांच्या नातेवाईकांनी फिर्याद दिली आहे. मोहन दास यांचा पुतण्या त्रिलोक राम आणि कुटुंबातील इतरांनी आरोपींना लवकरात लवकर अटक करण्याची मागणी केली. जोपर्यंत पोलिस आरोपींना अटक करत नाहीत, तोपर्यंत मृतदेह ताब्यात घेणार नसल्याचे त्यांचे म्हणणे आहे.

 

पुतण्या त्रिलोक रामने पोलिसांना सांगितले की, मोहन दास रविवारी रात्री आठ वाजेपर्यंत गावकऱ्यांशी बोलत होता. त्यानंतर तो झोपण्यासाठी त्याच्या खोलीत गेले. गावकरीही आश्रमातून त्यांच्या घराकडे निघाले. रात्री आश्रमात त्याच्याशिवाय कोणीच नव्हते. सकाळी नरसिंग यांना त्यांचा मृतदेह पडलेला दिसला.