चार दिवस संस्कृत भाषेत नाट्यसादरीकरण!

जयपूर : केंद्रीय संस्कृत विद्यापीठ येथे २० व्या अखिल भारतीय रूपकमहोत्सवाचा उद्घाटन सोहळा नुकताच संपन्न झाला. चार दिवसांच्या या कार्यक्रमात सुमारे १५ राज्यांतील कलाकार संस्कृत भाषेत आपले नाट्य सादर करणार आहेत. यावेळी जयपूरचे पोलीस आयुक्त बीजू जॉर्ज जोसफ प्रमुख पाहुणे म्हणून उपस्थित होते. त्यांच्या हस्ते दीपप्रज्वलन आणि सरस्वती मातेचे पूजन करून कार्यक्रमाची औपचारिक सुरुवात झाली.

हे वाचलंत का? : भारतीय संस्कृतीचे वाहक बनून समाजात संस्कृतीचा प्रसार वाढवा!

बिजू जॉर्ज जोसेफ म्हणाले की, लहानपणी रेडिओवर संस्कृत भाषा ऐकून आश्चर्य वाटायचे, आता तर याठिकाणी आल्यानंतर सर्वांना संस्कृतमध्ये संवाद साधताना पाहतोय. संस्कृत भाषा ही भारतीय संस्कृती आणि परंपरा यांचा अद्भुत अनुभव देते. राजस्थानची भूमी ऐतिहासिक वारशासाठी जगप्रसिद्ध आहे. संस्कृत भाषेचा इतर भाषांशीही संबंध आहे. केरळची मल्याळम भाषा संस्कृतसारखीच आहे. आज आपण सर्वांनी संस्कृत भाषेच्या प्रसारासाठी काम केले पाहिजे. चांगल्या वागणुकीचे चांगले परिणाम आणि वाईट वागणुकीची वाईट उदाहरणे सादर करून नाटक समाजाला नैतिकतेचा धडा शिकवते."

रूपक महोत्सवात संस्कृत व्यतिरिक्त प्राकृत, तामिळ, राजस्थानी, डोगरी, कन्नड, तमिळ, मल्याळम आदी भाषांमधील नाटकांची सुरुवात नाट्यशास्त्र संशोधन केंद्र, भोपाळ कॅम्पसच्या नूतन सभागृहात प्री-स्क्रीनिंग सादरीकरणाने झाली. यानंतर, कालिकत आदर्श संस्कृत विद्यापीठ, बालुसरी, केरळ कॅम्पसच्या विद्यार्थ्यांनी भगवदाज्जुकीयम हे नाटक सादर केले. बोधयनाचार्यांनी लिहिलेले संस्कृत साहित्यातील हे प्रसिद्ध प्रहसन आहे. कालियाचक विक्रम किशोर आदर्श संस्कृत महाविद्यालय, मेदिनीपूर, पश्चिम बंगालच्या विद्यार्थ्यांनी लटकमेलकम नाटक सादर केले. हे प्रहसन महान कवी शंखधर यांनी लिहिलेले सर्वात प्रसिद्ध हास्य रूपक आहे. बाराव्या शतकातील हे रूपक त्या काळातील समाजाच्या खऱ्या स्वरूपावर प्रकाश टाकते. सेंट्रल संस्कृत युनिव्हर्सिटी, रणवीर कॅम्पस, जम्मू यांनी महान कवी वत्सराज प्रणीत यांनी हस्यचूडामणी नावाचे रूपक सादर केले. १५ राज्यांतील ६०० विद्यार्थी या कार्यक्रमात सहभागी झाले आहेत.