बलात्कार, धर्मांतर, गर्भपात… फरीदाबादमध्ये लव्ह जिहादचे धक्कादायक प्रकरण उघडकीस!

02-Dec-2023

Total Views | 93

चंदीगड : हरियाणातील फरिदाबाद येथे लव्ह जिहादचे प्रकरण उघडकीस आले आहे. तेथे आरिफने अल्पवयीन मुलीला खोटी ओळख देऊन प्रेमाच्या जाळ्यात अडकवले आणि तिचा अश्लिल व्हिडिओ बनवून वर्षभर तिच्यावर बलात्कार केला. मुलगी प्रौढ झाल्यावर त्याने तिचे धर्मांतर करून जबरदस्तीने लग्न केले. यानंतर आरिफने तिचा भाऊ आणि वडिलांना तिच्यावर बलात्कार करायला लावला. एक वेळ अशी आली की,तिच्यावर सामूहिक बलात्कारही झाला.

पोलिसात दिलेल्या तक्रारीत पीडितेने आपल्यावर झालेल्या अत्याचाराची माहिती दिली. आरिफने वीर असल्याचे भासवून तिला फसवले असल्याचे पीडितेने सांगितले. त्या वेळी ती अल्पवयीन होती, त्यामुळे तो धाडसी झाला आणि त्याने तिच्याशी दीर्घकाळ संबंध ठेवले. पीडितेने सांगितले की, यादरम्यान तिच्यावर बलात्कार झाला आणि त्याचा व्हिडिओही बनवण्यात आला. त्यानंतर हा व्हिडिओ व्हायरल करण्याची धमकी देऊन ब्लॅकमेल करण्यास सुरुवात केली.

पीडितेचे म्हणणे आहे की, ती आरिफसोबत राहत असताना अनेकवेळा गर्भवती राहिली पण आरोपीने तिचा गर्भपात केला. या लोकांनी ६ महिन्यांच्या मुलीचीही हत्या केली. यानंतर त्यांनी पीडितेला मनालीला घेऊन डोंगरावरून ढकलून देण्याची योजना सुरू केली. मात्र, यादरम्यान मुलीने कसा तरी तिच्या कुटुंबीयांशी संपर्क साधून सर्व प्रकार सांगितला. यानंतर हे प्रकरण पोलिसांपर्यंत पोहोचले. आरिफवर इतरही गुन्हे दाखल असल्याचे तरुणीने तक्रारीत म्हटले आहे.

मुलीची तक्रार आल्यानंतर पोलीस आपल्या स्तरावर या प्रकरणाचा तपास करत आहेत. आरिफवर यापूर्वी कोणत्या प्रकरणात गुन्हे दाखल आहेत, याची माहिती घेतली जात आहे. सेक्टर १६ महिला पोलिस स्टेशनच्या एसएचओ इंदुबाला यांनी सांगितले की, धर्मांतरापासून सामूहिक बलात्कारापर्यंतच्या गंभीर कलमांतर्गत गुन्हा दाखल करण्यात आला आहे. मुलीच्या तक्रारीवरून १४ जणांना आरोपी करण्यात आले आहे.