आशियातील पहिल्या जागतिक हायपरलूप स्पर्धेचा समारोप

चेन्नई, दि.२६ : विशेष प्रतिनिधी इंडियन इन्स्टिट्यूट ऑफ टेक्नॉलॉजी (IIT) मद्रासने आशियातील पहिली जागतिक हायपरलूप स्पर्धा २०२५चे यशस्वीरित्या आयोजन केले. २१ ते २४ दरम्यान झालेल्या या स्पर्धेच्या समारोप समारंभात केंद्रीय रेल्वे मंत्री अश्विनी वैष्णव हे व्हिडिओ कॉन्फरन्सिंगद्वारे सहभागी झाले. या उपक्रमात सहभागी आणि विद्यार्थ्यांना संबोधित करताना रेल्वेमंत्र्यांनी पंतप्रधान नरेंद्र मोदी यांच्या देशाला नाविन्यपूर्णतेच्या दिशेने पुढे नेण्यासाठीच्या दूरदृष्टी वर भर दिला.

या स्पर्धेत उत्कृष्ट कामगिरी करणाऱ्या संघांना सर्वोत्कृष्ट प्रात्यक्षिक संघ पुरस्कार, ब्रेकिंग आणि ट्रॅक्शन सिस्टमचे प्रात्यक्षिक आणि सर्वोत्कृष्ट उप-प्रणाली (मेकॅनिकल) असे प्रतिष्ठित पुरस्कार देण्यात आले. हे पुरस्कार विद्यार्थ्यांच्या कठोर मेहनत आणि नवोपक्रमाला चालना देणे होते. यासोबतच भारतातील तरुण शास्त्रज्ञ आणि अभियंत्यांच्या जागतिक दर्जाच्या क्षमतांचे प्रतिबिंब देखील दर्शविणारे होते. या तरुणांची कामगिरी देशाला भविष्यातील वाहतूक क्रांतीकडे वेगाने नेण्यात महत्त्वाची भूमिका बजावेल.

रेल्वे मंत्री अश्विनी वैष्णव म्हणाले की, आयआयटी मद्रासच्या 5G तंत्रज्ञानातील प्रगतीमुळे, भारतात जगातील सर्वात जलद 5G नेटवर्क चालविले जात आहे. त्याच क्रमाने, भारतीय रेल्वे आणि आयआयटी मद्रास संयुक्तपणे व्हर्टिकल टेक-ऑफ लँडिंग व्हेईकलवर काम करतील, ज्याला भारतीय रेल्वेकडून निधी दिला जाईल. प्रवासाच्या साधनांमध्ये आधुनिक आणि नाविन्यपूर्ण बदलांना चालना देण्यासाठी हे एक अतिशय महत्त्वाचे पाऊल ठरेल.

या कार्यक्रमादरम्यान रेल्वे बोर्डाचे अध्यक्ष आणि सीईओसतीश कुमार यांच्यासह अनेक मान्यवर उपस्थित होते. भारतातील पहिला हायपरलूप चाचणी ट्रॅक ४२२ मीटर लांब आहे, जो आयआयटी मद्रास, चेन्नई येथे आहे. हे भारतीय रेल्वे आणि शिक्षण क्षेत्रामधील मजबूत भागीदारीचे प्रदर्शन करते, ज्यामुळे जागतिक स्तरावर रेल्वे नवोपक्रम आणि अत्याधुनिक प्रवास तंत्रज्ञानाला प्रोत्साहन देण्यात भारत आघाडीवर आहे.