दापुर ते दिल्ली एकनाथ आव्हाड यांच्या पुस्तकांचे प्रकाशन

 

 

मुंबई : एनसीपीए आयोजित जेके मीडिया प्रकाशित साहित्य अकादमी बालसाहित्य पुरस्कार प्राप्त लेखक एकनाथ आव्हाड यांच्या साहित्य प्रकारावर आधारित दापूर ते दिल्ली संपादित पुस्तकाचे प्रकाशन बुधवारी दिनांक 3 एप्रिल रोजी संध्याकाळी सहा वाजता नरिमन पॉईंट येथे गोदरेज डान्स थिएटर येथे संपन्न झाले. यावेळी एकनाथ आव्हाड यांच्या कवितांचे वाचन आणि गायन सादर झाले. सदर कार्यक्रमाला साहित्य अकादमीचे सदस्य डॉक्टर नरेंद्र पाठक तसेच सुप्रसिद्ध अभिनेत्री चेन्नई सुमित उपस्थित होते.

 

या कार्यक्रमात डॉक्टर सुमन नवलकर हेमंत साने सदानंद पुंडपाळ विद्या प्रभू राजेंद्र वाणी यांनी सहभाग घेतला होता. यावेळी सिद्धार्थ देशपांडे यांनी एकनाथ आव्हाड यांची मुलाखत घेतली होती. यावेळी एनसीपीएचे कार्यक्रम समन्वयक सुजाता जाधव आणि जेके मीडिया प्रकाशक तसेच संपादक ज्योती कपिले यांनी विशेष मेहनत घेतली.