आनंदाची बातमी - बेरोजगारी दरात लक्षणीय घट

मुंबई: इकॉनॉमिक टाइम्सच्या वृत्तानुसार भारतातील बेरोजगारी दरात लक्षणीय घट झाली आहे. त्रैमासिक पिरीओडिक लेबर फोर्स सर्व्ह डेटानुसार ऑक्टोबर - डिसेंबर २०२३ मध्ये हा दर ६.५ टक्केपर्यंत खाली आला आहे. महिला कामगार प्रतिनिधित्वात रेकोर्डब्रेक वाढ झाली असून महिलांच्या प्रतिनिधित्व संख्येत २५ टक्क्याने वाढ झाली आहे. शहरी बेरोजगारीत देखील घट झाली आहे. आर्थिक वर्ष ऑक्टोबर डिसेंबर २२ मधील बेरोजगारी दर ७.२ वरून मागील तिमाहीत ६.६ टक्क्यांपर्यंत खाली आला आहे.

 

आर्थिक क्षेत्रातील घौडदौड, भारतातील वाढलेली गुंतवणूक, पोषक वातावरणामुळे उद्योग, स्टार्टअपमध्ये झालेली वाढ लक्षात घेता गतवर्षीच्या ७.२ टक्क्यांच्या तुलनेत पुढील वर्षी ७.३ टक्क्याने रोजगार वाढण्याची चिन्हे आहेत. महिला बेरोजगारी दरात कुठलाही बदल झाला नसला तरी पुरूष बेरोजगारी दरात मोठी घट झाली असल्याचे सर्व्हेत स्पष्ट झाले आहे. १५ किंवा त्याहून अधिक वयोगटातील महिलांमध्ये बेरोजगारी दर आर्थिक वर्ष २४ मध्ये ८.६ टक्के राहिला आहे ‌. दुसरीकडे पुरूष बेरोजगारी दर घटून ५.२ टक्क्यांवर आला आहे. पूर्वीच्या बेरोजगारी आकड्यांवर आधारित कमी वेतन संधीत मोठी भर झाली आहे. सामाजिक संधीमुळे वाढलेल्या नोकरीच्या संधी वाढल्यामुळे हा रोजगार वाढला.

 

 

या अहवालासाठी ४४५४४ घरे, १६९२०९ व्यक्तींची माहिती गोळा करण्यात आली होती. एकूण या २२ राज्यातील सर्व्हेत, हिमाचल प्रदेशात सगळ्यात जास्त बेरोजगारी आढळली असून केरळ, जम्मू काश्मीर येथेही रोजगाराचे प्रमाण घटले आहे. स्त्री बेरोजगारी दरात देखील या राज्यात वाढ झाल्याचे पहायला मिळत आहे.