शाह फैसल यांच्यावर पीएसए कायद्यान्वये कारवाई

नवी दिल्ली : माजी भारतीय प्रशासकीय सेवा (आयएएस) अधिकारी आणि जम्मू काश्मीर पिपल्स मूव्हमेंट पक्षाचे अध्यक्ष शाह फैसल यांच्यावर सार्वजनिक सुरक्षा कायद्यांतर्गत (Public Safety Act) गुन्हा दाखल करण्यात आला आहे. आयएएस पदाची नोकरी सोडून शाह फैसल यांनी राजकीय पक्षाची स्थापना केली होती.

संसदेने जम्मू-काश्मीरमधून अनुच्छेद ३७० रद्द केल्यानंतर शाह फैसल यांना गेल्या १४ ऑगस्ट २०१९ रोजी सीआरपीसी कलम १०७ नुसार ताब्यात घेण्यात आले होते. परदेशी जाण्याची बंदी घालत शाह फैजल यांना दिल्ली विमानतळावर ताब्यात घेऊन काश्मीरमध्ये परत धाडण्यात आले होते. त्यानंतर त्यांना एमएलए हॉस्टेलमध्ये ठेवण्यात आले. पीएसए कायद्यांतर्गत गुन्हा दाखल केल्यानंतर आता शाह फैसल यांना त्यांच्या घरी हलवण्यात येणार की एमएलए हॉस्टेलमध्येच ठेवणार हे मात्र अद्याप स्पष्ट करण्यात आलेले नाही.