मुंबईकरांनो, रविवारच्या प्रवासासाठी रेल्वेवेळापत्रक तपासूनच नियोजन करा!"

07-Jun-2025

Total Views | 9

मुंबई : रविवार, ८ जून रोजी मुंबईतील रेल्वेसेवा मेगाब्लॉकमुळे प्रभावित होणार आहे. पश्चिम, हार्बर, ट्रान्सहार्बर आणि मध्य रेल्वे मार्गांवर देखभाल व दुरुस्तीच्या कामांसाठी वेळापत्रकात बदल करण्यात आले आहेत.

पश्चिम रेल्वे

चर्चगेट ते मुंबई सेंट्रल दरम्यान सकाळी १०:३५ ते दुपारी ३:३५ या वेळेत पाच तासांचा मेगाब्लॉक असेल. या काळात सर्व स्लो लोकल गाड्या फास्ट मार्गावर वळवण्यात येतील. काही गाड्या रद्द करण्यात आल्या आहेत. काही गाड्या बांद्रा किंवा दादरला थांबवण्यात येतील.

हार्बर रेल्वे

वाशी ते पनवेल दरम्यान अप आणि डाऊन मार्गावर सकाळी ११:०५ ते दुपारी ४:०५ या वेळेत मेगाब्लॉक असेल. सीएसएमटी ते पनवेल/बेलापूर आणि ठाणे ते पनवेल दरम्यानच्या लोकल गाड्या रद्द करण्यात आल्या आहेत. सीएसएमटी ते वाशी, ठाणे ते वाशी/नेरुळ, आणि बेलापूर/नेरुळ ते उरण दरम्यान विशेष लोकल गाड्या चालवण्यात येतील.

ट्रान्सहार्बर रेल्वे

ठाणे ते वाशी दरम्यान सकाळी ११:०५ ते दुपारी ४:०५ या वेळेत चार तासांचा मेगाब्लॉक असेल.ठाणे ते पनवेल दरम्यानच्या लोकल गाड्या या काळात रद्द करण्यात येतील.

मध्य रेल्वे

विद्याविहार ते ठाणे दरम्यान ५व्या आणि ६व्या मार्गावर सकाळी ८:०० ते दुपारी १:३० या वेळेत मेगाब्लॉक असेल.या ब्लॉकमुळे काही मेल/एक्सप्रेस गाड्यांचे मार्ग बदलण्यात येतील आणि काही लोकल गाड्यांचे वेळापत्रक बदलले जाईल.

या मेगाब्लॉक्समुळे प्रवाशांनी प्रवासाचे नियोजन आधीच करून ठेवावे. रेल्वे प्रशासनाने प्रवाशांना वेळापत्रक तपासूनच प्रवास करण्याचे आवाहन केले आहे. अधिक माहितीसाठी रेल्वेच्या अधिकृत संकेतस्थळावर किंवा m-Indicator सारख्या अ‍ॅप्सवर अपडेट्स पाहावेत.