वाशी येथील फळ विक्रेत्याच्या मुलाला दहावीत ९१.४० टक्के गुण; शाळेत ठरला टॅापर!

 

मुंबई : नवी मुंबईतील वाशीच्या फळ विक्रेत्याच्या मुलाला दहावीत ९१.४० टक्के गुण मिळाले आहेत. दहावीच्या परीक्षेत अव्वल क्रमांक आल्याने पंधरा वर्षीय सुधीर गुप्ता खूप आनंदी आहे. आपल्या फळ विक्री करणाऱ्या वडीलांना मदत करणाऱ्या मेहनती सुधीरने दहावीच्या परीक्षेत ९१.४० टक्के गुण मिळवत त्याच्या शाळेत अव्वल क्रमांक पटकावला आहे.

 

वाशीतील साईनाथ इंग्लिश हायस्कूलने आपल्या टॉपरचे फोटो असलेले बॅनरही लावले आहेत , ज्यात शाळेने सुधीरला पहिल्या क्रमाकांचे स्थान दिले आहे. सुधीरने सांगितले की, ''त्याच्या कुटुंबाने नेहमीच त्याच्या स्वप्नांना पाठिंबा दिला आहे,यामुळेंच तो अभ्यासावर लक्ष केंद्रित करू शकला.''

 

त्याचे वडील फळे खरेदीसाठी गेल्यावर सुधीर वडीलांचा धंदा सांभाळत असे. सुधीर काळजीपूर्वक अभ्यास करायचा व त्याचबरोबर त्याच्या वडिलांच्या फळांच्या दुकानात फळे विकण्यास मदत करायचा. त्याची बहीण अल्पना गुप्ता, आपल्या भावाबद्दल म्हणाली की, “आम्हाला माहित होते की सुधीर चांगले यश मिळवेल.

 

सुधीर शाळेत पहिला आल्याने आम्हाला खूप आनंद झाला. त्याने नववी आणि दहावीमध्ये खूप मेहनत घेतली, विशेषतः तो माझ्या वडिलांना त्याच्या फळांच्या दुकानात मदत करत अभ्यास करायचा. गुप्ता कुटुंब नवी मुंबईतील वाशी येथे एका निवासी वसाहतीत राहते. सुधीरचे वडील काही वर्षांपूर्वी उत्तर प्रदेशमधील आझमगड जिल्ह्यातील देवरिया गावातून मुंबईत आले होते.

 

“मला माहित होते की मी चांगले यश मिळवेन, परंतु प्रथम क्रमांक येणे हे माझ्यासाठी आनंददायी आश्चर्यच होते.शाळेत खूप स्पर्धा होती. जेव्हा मला माझा निकाल मिळाला तेव्हा मला आठवते की ते फारसे आवडले नाही. मग मी माझ्या वडिलांना फोन केला, त्यानंतर ही बातमी घरी इतरांना सांगितली. मला असे वाटले होते की मी काही काळ क्लाउड ९ वर तरंगत आहे, जोपर्यंत मी कॉलेज प्रवेश अर्ज भरण्यासाठी पृथ्वीवर परत आलो नाही. मला संगणक विज्ञान शिकायचे आहे,” असे सुधीर म्हणाला. सुधीर पुढे म्हणाला, '' जेव्हा बाबा फळे आणण्यासाठी बाहेर जायचे तेव्हा मी दुकान सांभाळत असे.