जबाबदारी आणि आव्हाने

मुंबई पोलीस आयुक्तपद हे प्रतिष्ठेचे आणि जबाबदारीचे प्रतीक मानले जाते. त्यामुळे या नव्या जबाबदारीसोबत देवेन भारती यांना नवी आव्हानेदेखील पेलावी लागतील. त्यातील सगळ्यात महत्त्वाचे आव्हान म्हणजे धार्मिक उन्माद रोखणे. मुंबई पालिका निवडणुकीच्या पार्श्वभूमीवर पुन्हा एकदा लांगूलचालनाच्या राजकारणाला उत आल्याचे सभोवताली दिसते. मुंबईतल्या काही विभागांमध्ये विशिष्ट धर्माच्या लोकांना वसवून ‘व्होट बँक’ तयार केली जात असल्याचे गंभीर वास्तव दै. ‘मुंबई तरुण भारत’ने वेळोवेळी मांडले. मुंबईकरांसाठी ही धोक्याची घंटा आहे. हे प्रकार वेळीच रोखले नाहीत, तर मुंबईचा बांगलादेश व्हायला वेळ लागणार नाही. देवेन भारती त्याबाबत कठोर पावले उचलतील, अशी अपेक्षा.

दुसरे, मुंबईतील ड्रग्ज तस्करी रोखण्याचे आव्हान. इतके दिवस केवळ हायप्रोफाईल सोसायट्यांमध्ये चालणारी ड्रग्जची साखळी, आता मुंबईतील गल्लीबोळांमध्ये पोहोचलेली दिसते. युवा पिढी अमली पदार्थांची शिकार होऊन, त्यांचे करिअर उद्ध्वस्त होण्याच्या मार्गावर आहे. दिवसागणिक हे प्रमाण वाढत असल्याने, महाविद्यालयांमध्ये फोफावत जाणारे अमली पदार्थांचे जाळे तोडण्याचे सर्वांत मोठे आव्हान देवेन भारती यांच्यासमोर असेल. त्याचबरोबर वाढत्या सायबर गुन्हेगारीला आळा घालणेही तितकेच महत्त्वाचे. ही सगळी आव्हाने समर्थपणे पेलून, मुंबईला सुरक्षित करतील, हीच अपेक्षा. त्यांना या नव्या जबाबदारीसाठी शुभेच्छा!

असो. पण, मागच्या महिन्यात त्यांनी केलेल्या एका दाव्यातून त्यांची पत्रकारिता किती कच्ची, खोटी आहे आणि खोट्याचे खरे करण्यासाठी ते कोणत्या थराला जाऊ शकतात, याचा अंदाज महाराष्ट्रातील जनतेला आला. “वर्षा’ बंगल्यात कोणीतरी जादूटोण्याचा प्रकार केल्याने मुख्यमंत्री फडणवीस पुन्हा या बंगल्यात राहायला तयार नाहीत. ‘वर्षा’ बंगल्यावर राहायला गेलो, तरी रात्री तिकडे झोपणार नाही, असे देवेंद्र फडणवीसांचे म्हणणे आहे. कामाख्या देवीच्या मंदिरातून आणलेली रेड्यांची शिंगे ‘वर्षा’ बंगल्यात पुरली असून, कोणीतरी जादूटोण्याचा प्रकार केल्यामुळेच देवेंद्र फडणवीस या बंगल्यात राहायला जाण्यास तयार नाहीत,” असा खळबळजनक दावा त्यांनी केला. आठ दिवस माध्यमांमध्ये हा विषय हेडलाईनमध्ये राहिल्याने जनताही संभ्रमित झाली. पण, अक्षय्य तृतीयेच्या मुहूर्तावर सहकुटुंब गृहप्रवेश करून फडणवीसांनी राऊतांना तोंडावर पाडले. वास्तवात ‘वर्षा’ बंगल्यावर सुरू असलेली डागडुजी आणि त्यात मुलगी दिविजा हिची दहावीची परीक्षा, यामुळे फडणवीसांनी आणखी काही दिवस ‘सागर’ निवासस्थानी मुक्काम करण्याचे ठरवले. ही दोन्ही कामे झाल्यानंतर त्यांनी प्रथेनुसार विधिवत पूजा करून ‘वर्षा’वर मुक्काम हलवला. अशावेळी राऊतांच्या फसव्या दाव्याबाबत माध्यमांमध्ये चर्चा व्हायला हव्या होत्या. पण, ते तोंडावर पडल्याची बातमी एकानेही चालवली नाही? याचा अर्थ ‘घोडे कमावते आणि गाढव खाते’ असाच समजावा का? असो. पण, राऊतांच्या सांगण्याप्रमाणे महाराष्ट्रातील मीडिया चालणार असेल, तर त्यांची स्थिती भविष्यात राऊतांच्या पक्षासारखी होईल, हे निश्चित!