उबाठा गटाला गळती सुरूच...

 

 

 

ठाणे: ( UBT group in thane ) शिवसेना उबाठा गटाच्या कळवा येथील शाखाप्रमुख ज्ञानेश्वर जमदाडे यांच्यासह अनेक शिवसैनिकांनी भाजपाचा झेंडा खांद्यावर घेतला आहे. भाजपाचे जिल्हाध्यक्ष संजय वाघुले यांच्या नेतृत्वाखाली कामगार मोर्चाचे ठाणे जिल्हाध्यक्ष राकेश चौघुले यांनी पक्षप्रवेशासाठी पुढाकार घेतला होता.

 

भाजपाच्या ठाणे विभागीय कार्यालयात भाजपाचे आमदार संजय केळकर, आमदार निरंजन डावखरे, जिल्हाध्यक्ष संजय वाघुले यांच्या प्रमुख उपस्थितीत झालेल्या कार्यक्रमात उबाठा गटातील शाखाप्रमुख ज्ञानेश्वर भानुदास जमदाडे व कार्यकर्त्यांनी भाजपामध्ये प्रवेश केला. या कार्यकर्त्यांची भाजपा संघटनेत विविध पदांवर नियुक्ती करण्यात आली. तसेच पंतप्रधान नरेंद्र मोदी व मुख्यमंत्री देवेंद्र फडणवीस यांच्या नेतृत्वाखाली सरकारच्या योजना सामान्यांपर्यंत पोचवाव्यात. तसेच ठाणे शहर जिल्ह्यात भाजपाला क्रमांक १ चा पक्ष करण्याचा निर्धार करण्याचे आवाहन करण्यात आले. त्याचबरोबर कामगार मोर्चाच्या माध्यमातून शहरातील कामगारांना न्याय मिळवून देण्यासाठी कटीबद्ध राहणार असल्याचा संकल्प करण्यात आला.

 

या कार्यक्रमाला माजी ज्येष्ठ नगरसेवक भरत चव्हाण, जिल्हा सरचिटणीस सचिन पाटील, समीरा भारती, भाजयुमोचे प्रदेश सचिव ओमकार चव्हाण, जिल्हा अनुसूचित जमाती मोर्चाच्या शहराध्यक्ष नताशा सोनकर, कोपरी मंडलचे अध्यक्ष शिवाजी रासकर, कळवा मंडलचे अध्यक्ष सुदर्शन साळवी, कामगार मोर्चाचे जिल्हा सरचिटणीस भगवान आडे आदिसह मान्यवर उपस्थित होते.