धंगेकरांच्या अडचणी वाढल्या! निवडणूक आयोगात तक्रार दाखल

    10-May-2024
Total Views | 90
dhangekar
 
पुणे : पुणे लोकसभा मतदारसंघातील काँग्रेसचे उमेदवार रविंद्र धंगेकर यांच्याविरोधात राष्ट्रवादी काँग्रेस पक्षाने निवडणुक आयोगाकडे तक्रार दाखल केली आहे. सर्वोच्च न्यायालयाच्या आदेशाचे उल्लंघन केल्याच्या आरोपवरुन रविंद्र धंगेकर यांच्याविरोधात ही तक्रार दाखल करण्यात आली आहे.
 
रविंद्र धंगेकर यांनी प्रचारादरम्यान आपल्या पत्रकावर राष्ट्रवादी काँग्रेस पक्षाला देण्यात आलेले घड्याळ चिन्ह छापल्याने राष्ट्रवादी काँग्रेसने (अप) निवडणुक आयोगाकडे तक्रार दाखल केली आहे. रविंद्र धंगेकर यांच्या प्रचार पत्रकावर महाविकास आघाडीतील सर्व पक्षांची चिन्हे छापली होती. यामध्ये मशाल, पंजा आणि आम आदमी पार्टी सोबत तुतारी ऐवजी घड्याळ चिन्ह छापण्यात आले आहे. त्यामुळे आता राष्ट्रवादी काँग्रेस पक्षाने रविंद्र धंगेकरांनविरोधात तक्रार दाखल केली आहे.
पुण्यामध्ये येत्या १३ मे ला लोकसभेसाठी मतदान होणार आहे. या मध्ये महायुतीकडुन भाजप नेते आणि पुण्याचे माजी महापौर मुरलीधर मोहोळ उमेदवार आहेत. तर काँग्रेसकडुन कसबा विधानसभेचे आमदार रविंद्र धंगेकर उमेदवार आहेत. त्यांचबरोबर माजी नगरसेवक आणि नुकतेच मनसेला रामराम करत वंचित मध्ये प्रवेश केलेले वसंत मोरे वंचित बहुजन आघाडीचे उमेदवार आहेत. पुणे लोकसभा मतदारसंघावर गेली दोन टर्म भाजपचे वर्चस्व आहे. याठीकाणी मागिल निवडणुकीत दिवंगत खासदार गिरीष बापट यांनी ३ लाख ३० हजार मतांनी विजय मिळवला होता.

अग्रलेख
जरुर वाचा
हिंदू समाजाने जागृत होणे अत्यावश्यक: सरसंघचालक डॉ. मोहनजी भागवत

हिंदू समाजाने जागृत होणे अत्यावश्यक: सरसंघचालक डॉ. मोहनजी भागवत

राष्ट्रीय स्वयंसेवक संघाला 100 वर्षे पूर्ण होतील. संघाचा जन्म, जन्मापासून करावा लागलेला संघर्ष, विस्तार व आज समाजातील सर्वच क्षेत्रांवर संघाचा पडलेला लक्षणीय प्रभाव, या सार्‍या प्रक्रियांबाबत समाजात, राष्ट्रीय व आंतरराष्ट्रीय स्तरावरही कमालीचे कुतूहल आहे. यांसारख्या विविध विषयांवर ‘ऑर्गनायझर’चे संपादक प्रफुल्ल केतकर, ‘पांचजन्य’चे संपादक हितेश शंकर, सा. ‘विवेक’च्या संपादक अश्विनी मयेकर आणि मल्याळम दैनिक ‘जन्मभूमी’चे सहसंपादक एम. बालकृष्णन यांनी सरसंघचालक डॉ. मोहनजी भागवत यांच्याशी साधलेला हा विशेष संवाद.....

Email

admin@mahamtb.com

Phone

+91 22 2416 3121