लव्ह जिहाद! UP च्या 'अब्दुल'ने 'अजय' बनून नेपाळच्या मुलीवर केला बलात्कार

 

 

लखनौ : उत्तर प्रदेशातील मुझफ्फरनगर जिल्ह्यातून लव्ह जिहादचे एक नवीन प्रकरण समोर आले आहे. नेपाळमधील एका मुलीने अब्दुल सलामवर हिंदू असल्याचे भासवून तिच्याशी लग्न केल्याचा आणि नंतर इस्लाम धर्म स्वीकारण्यासाठी दबाव आणल्याचा आरोप केला आहे. तिला जबरदस्तीने मांस खाऊ घातल्याचा आरोपही पीडितेने केला आहे.

 

पोलिसांनी या प्रकरणात ८ लोकांविरुद्ध एफआयआर नोंदवून अब्दुल सलामला अटक केली आहे. हे प्रकरण मुझफ्फरनगर जिल्ह्यातील बुढाना पोलीस स्टेशनच्या हद्दीतील आहे. नेपाळच्या कपिलवस्तु जिल्ह्यात राहणाऱ्या २६ वर्षीय तरुणीने पोलिसांत तक्रार दाखल केली आहे. पीडितेने तक्रारीत म्हटले आहे की, ती २०१५ पासून दक्षिण दिल्लीतील सुलतानपूर येथे राहत होती. त्यावेळी ती अल्पवयीन होती. येथेच तिची अब्दुल सलाम सोबत भेट झाली. त्याने आपले नाव अजय सांगितले.

 

 

पीडितेने सांगितले की, अजयने तिच्याशी मैत्री केली आणि प्रेमाचे नाटक करू लागला. त्यानंतर अल्पवयीन असताना लग्नाच्या बहाण्याने त्याने तिच्यावर बलात्कार केला. पीडितेचे म्हणणे आहे की, दुसऱ्या देशातून येऊन एकटी राहिल्यामुळे पीडित मुलगी अब्दुल सलामच्या कृत्याला विरोध करू शकली नाही. तिच्या असहायतेचा फायदा घेत अब्दुल सलामने तिच्यावर अनेकवेळा बलात्कार केला.

 

पीडितेने पुढे सांगितले की, वारंवार होणाऱ्या बलात्कारामुळे ती अनेकवेळा गरोदर राहिली, परंतु अब्दुलने प्रत्येक वेळी तिचा गर्भपात केला. पीडितेने लग्नासाठी दबाव टाकल्यावर अब्दुल सलामने तिच्याशी दि. ६ ऑगस्ट २०१९ रोजी दिल्लीतील आर्य समाज मंदिरात लग्न केले. या लग्नात पीडितेला कोऱ्या कागदावर सही करायला लावली. २०२१ मध्ये पीडित मुलगी एका मुलीची आई झाली.

 

 

पीडितेचे म्हणणे आहे की, जेव्हा तिला रुग्णालयात दाखल करण्यात आले तेव्हा तिला कळले की अजय प्रत्यक्षात अब्दुल सलाम आहे आणि मुस्लिम आहे. त्यानंतर अब्दुल सलाम याने पीडितेला आणि तिच्या मुलीला जीवे मारण्याची धमकी देत तिला तोंड बंद ठेवण्यास सांगितले. मुलीच्या जन्मानंतर सात महिन्यांनी अब्दुल सलाम पीडितेला पहिल्यांदा त्याच्या गावी घेऊन गेला. जौला नावाचे हे गाव मुझफ्फरनगरच्या बुढाना पोलीस स्टेशन परिसरात येते.

 

पीडितेने दाखल केलेल्या तक्रारीनुसार, अब्दुल व्यतिरिक्त त्याचे वडील इद्रिस, भाऊ आसिफ आणि अमील, मामा आणि दोन मेव्हण्यांनी पीडितेवर एक एक करून बलात्कार केला. त्यांनी विरोध केल्यास पीडितेला आणि तिच्या मुलीला जीवे मारण्याची धमकी देण्यात आली. काही दिवसांनंतर या सर्व आरोपींनी पीडितेवर इस्लाम धर्म स्वीकारण्यासाठी दबाव आणण्यास सुरुवात केली. त्याला जबरदस्तीने मांस खायला घालण्यात आले.

 

 

पीडितेचे म्हणणे आहे की, ती जेव्हाही दिल्लीला जायची तेव्हा अब्दुल तिला त्याच्या गावी बोलावून घेत असे आणि अब्दुलच्या कुटुंबातील सदस्य तिच्यावर बलात्कार करायचे. नोव्हेंबर २०२३ पासून अब्दुल सलामने पीडितेपासून अंतर राखण्यास सुरुवात केली. पीडितेला समजले की त्याने दुसऱ्या मुलीशी लग्न केले आहे आणि तो बहुतेक गावात राहू लागला. पीडित तरुणी अब्दुलच्या गावी चौकशीसाठी गेली असता तेथे तिला मारहाण करण्यात आली.

 

शेवटी, पीडितेने एक व्हिडिओ जारी केला. या व्हिडिओत पीडितेने आपली आपबीती सांगितली आणि अब्दुल सलाम आणि इतर आरोपींवर कठोर कारवाई करण्याची मागणी केली. हे प्रकरण हिंदू संघटनांपर्यंत पोहोचल्यानंतर त्यांनी पीडितेची भेट घेतली आणि तक्रार देण्यासाठी तिला सोबत घेऊन पोलीस ठाण्यात नेले. अखेरीस अब्दुल सलाम, इद्रिस, आसिफ, अमील, अब्दुल, शमशेर या दोन अज्ञात व्यक्तींविरुद्ध एफआयआर नोंदवण्यात आला.

 

पोलिसांनी या सर्व आरोपींविरुद्ध भारतीय दंड संहिता (आयपीसी) च्या कलम ४९३, ४९४, ४१९, ३७६, ३१३, ५०४ आणि ५०६ अंतर्गत, पॉक्सो कायदा आणि उत्तर प्रदेश बेकायदेशीर धार्मिक परिवर्तन प्रतिबंध कायदा २०२१ व्यतिरिक्त गुन्हा दाखल केला. त्याच वेळी, मुझफ्फरनगर पोलिसांनी दि. ८ एप्रिल रोजी समाज माध्यमावर माहिती दिली की अब्दुल सलामला अटक करण्यात आली आहे. दरम्यान, अन्य आरोपींचा शोध सुरू आहे.