परीक्षेची पूर्वतयारी...

विद्यार्थ्यांनी परीक्षेचा मनावर कोणताही ताण न घेता आनंदी राहावे आणि सात ते आठ तास झोप पूर्ण घ्यावी. परीक्षा जवळ आलेली असेल तेव्हा आंबट, तेलकट, बाहेरचे खाद्यपदार्थ खाणे टाळावे. शरीरास हानी होणार नाही, याची काळजी घ्यावी. अभ्यास करत असताना काही शंका आल्यास लगेचच शिक्षकांना विचारून त्या शंकांचे निरसन करावे. भाषांचा अभ्यास व्यवस्थित करावा. जास्तीत जास्त लेखनाचा सराव करून हस्ताक्षर चांगले काढावे. मागील वर्षांच्या प्रश्नपत्रिकांचा नियमित सराव करावा. मागील वर्षांच्या प्रश्नपत्रिका सोडवल्याने परीक्षेत कशा प्रकारचे प्रश्न येतात, याची काठीण्य पातळी समजते आणि प्रश्नपत्रिका जर वेळ लावून सोडवल्या, तर तुम्हाला एक अंदाज येतो की, परीक्षेला लेखनाचा वेग किती असावा आणि जर लेखनाचा वेग कमी असेल, तर रोजच्या सरावाने वेग वाढवता येईल म्हणून शक्यतो वेळ लावूनच प्रश्नपत्रिका सोडवणे गरजेचे आहे.