‘गाडी नंबर १७६०’चा धमाकेदार टीझर प्रदर्शित

मुंबई : मराठी चित्रपटसृष्टीत धमाकेदार रहस्य आणि विनोदाची मेजवानी घेऊन येणार्या ‘गाडी नंबर १७६०’ या चित्रपटाचा बहुप्रतीक्षित टीझर प्रेक्षकांच्या भेटीला आला आहे. टीझर पाहून एकच प्रश्न सगळ्यांना पडला आहे, ‘तो म्हणजे बॅग कुठे आहे?’ टीझरमध्ये एका काळ्या बॅगेभोवती फिरणारी गोष्ट उलगडताना दिसते. प्रारंभीच दाखवलेली पैशांनी भरलेली बॅग गायब होते आणि तिथून सुरू होतो, रहस्याने भरलेला व विनोदाने सजलेला प्रवास. या बॅगेच्या शोधात अनेकजण एकमेकांवर संशय घेताना, गोंधळात अडकताना दिसत आहेत. त्यामुळे एकीकडे रहस्य वाढते, तर दुसरीकडे संवाद आणि प्रसंगांमधून विनोदही प्रेक्षकांना खिळवून ठेवतो. ही बॅग नेमकी कुठे गेली, हे दि. ४ जुलैला चित्रपटगृहात पाहायला मिळेल.