एमसी स्टॅनचं युट्यूब हॅक, चाहत्यांना म्हणाला....

13-Mar-2024

Total Views | 43

प्रसिद्ध रॅपर एमसी स्टॅनचे युट्यूब चॅनल हॅक. स्वत: सोशल मिडियावर पोस्ट करुन दिली माहिती.

मुंबई : हिंदी बिग बॉस १६ चा विजेता आणि प्रसिद्ध युट्युबर एमसी स्टॅनचे ( M C Stan) युट्यूब चॅनल हॅक झाले आहे. स्टॅन ( M C Stan) याने त्याच्या इन्स्टाग्राम अकाऊंटवरुन याबदद्ल माहिती दिली आहे. सध्या कलाकार, सामान्य माणसे यांचे सोशल मिडिया अकाऊंट हॅक ( M C Stan) होण्याचे प्रमाण वाढले आहे.

एमसी स्टॅन याने त्याच्या इन्स्टा अकाऊंटवरुन पोस्ट करत त्याच्या चाहत्यांना याबद्दल माहिती देत लिहिले आहे की, “कुणीतरी माझे युट्यूब चॅनल हॅक केले आहे. नेमकं काय झालं आहे याचा शोध सुरु आहे. तरी सर्वांनी धीर धरा, अशी पोस्ट त्याने लिहिली आहे.

पुढे त्याने असेही म्हटले आहे की, कोणत्याही क्युआर कोडला स्कॅन करु नका. काहीही घोटाळा असून शकतो”. त्यामुळे आता स्टॅनचे चाहते या सगळा गोंधळ कधी संपेल याची वाट पाहात आहेत.

मुळचा पुण्याचा असलेल्या एमसी स्टॅनचे खरे नाव अल्ताफ शेख. एमसी स्टॅनबद्दल सांगायचे झाल्यास वयाच्या १२ व्या वर्षापासून तो गाणी गात आहे. सुरुवातीला तो कव्वाली गाणी गात होता आणि नंतर त्याला रॅप गाण्यांविषयी आवड निर्माण झाली. आणि बस्ती का हस्ती या एका रॅप गाण्याने तो कमी कलावधीत स्टार झाला.

m c stan youtuber rapper account hacked