वसंत मोरेंचा निर्णय योग्य! माजी मनसे नेत्याकडून ऑफर

 

रुपाली पाटील म्हणाल्या की, "लोकहितासाठी हातोडा घेऊन जाणारा नेता काम करत असताना त्याची होणारी कुचंबना, त्याला थांबवण्यासाठी केलेले अडथळे या गोष्टी अनेक वर्षे वसंत मोरे यांनी सहन केल्या आहेत. कुठल्याही पक्षाचा कार्यकर्ता नेत्यांच्या स्वतःच्या राजकीय स्वार्थासाठी कण्यासहित मोडून टाकला जातो. भाऊ तुझी लढाई चालू ठेव. तुझ्यासाठी बहिनीचे दरवाजे कायम उघडे आहेत हे लक्षात ठेव. वसंत मोरेंनी राजीनामा देऊन योग्य निर्णय घेतला आहे. वसंत भाऊ राष्ट्रवादी काँग्रेस पक्षामध्ये आपले स्वागतच असेल," असे त्या म्हणाल्या आहेत.

 

गेल्या अनेक दिवसांपासून वसंत मोरे नाराज असून ते पुण्यातून लोकसभा निवडणूक लढवण्यास इच्छूक असल्याचे सांगण्यात येत आहे. दरम्यान, वसंत मोरेंच्या राजीनाम्यामुळे मनसेला मोठा धक्का बसला आहे. मोरेंनी सकाळी फेसबुकवर एक भावनिक पोस्टदेखील शेअर केली होती.