२३ ऑगस्ट यापुढे 'राष्ट्रीय अंतराळ दिवस' म्हणून साजरा होणार ; पंतप्रधानांची मोठी घोषणा!

नवी दिल्ली : भारताचे पंतप्रधान नरेंद्र मोदी ग्रीसच्या दौऱ्यावरून परतताना थेट बंगळुरू आणि तेथून इस्रोच्या कमांड सेंटरमध्ये पोहोचले. येथे पंतप्रधान मोदींनी चांद्रयान ३ मोहीम यशस्वी करणाऱ्या वैज्ञानिकांची भेट घेतली आणि इस्रोचे कमांड सेंटर पाहिले. यावेळी पंतप्रधान नरेंद्र मोदी यांनीही महिला शास्त्रज्ञांना अभिवादन केले. पंतप्रधान मोदींनी चांद्रयान २ च्या क्रॅश लँडिंगचीही आठवण केली. त्यांनी चांद्रयान २ आणि चांद्रयान ३ च्या लँडिंग पॉइंट्सनाही नाव दिले. तसेच तरुणांना प्रेरणा देत राहण्यासाठी आणखी एक निर्णय पंतप्रधानांनी घेतला. ते म्हणाले की, भारत यापुढे चांद्रयान ३ चा लँडिंग डे म्हणजेच २३ ऑगस्ट हा 'राष्ट्रीय अंतराळ दिवस' म्हणून साजरा करेल.

दरम्यान चंद्राला स्पर्श करणारा भारत हा जगातील चौथा देश ठरल्याचे पंतप्रधान नरेंद्र मोदी यांनी अधोरेखित केले. पंतप्रधान मोदींनी भारताच्या दीर्घ अंतराळ प्रवासाचाही उल्लेख केला. ते म्हणाले की, देशात पूर्वी तंत्रज्ञान नव्हते. जगात तिसर्‍या क्रमांकावर उभ्या असलेल्या देशांमध्ये आपली गणना व्हायची. तिथून बाहेर पडल्यानंतर आज भारत जगातील पाचवी सर्वात मोठी अर्थव्यवस्था बनला आहे.

त्यामुळे इस्रोच्या शास्त्रज्ञांनी केवळ चंद्रावर तिरंगा फडकवला नाही, तर भारताच्या संपूर्ण पिढीला तुम्ही जागृत करून नवीन मार्ग दाखवला, असे पंतप्रधान मोदी म्हणाले. आजपासून कोणत्याही मुलाला रात्री चंद्र पहिल. तेव्हा त्याचा विश्वास बसेल की, माझा देश ज्या हिमतीने चंद्रावर पोहोचला आहे. तेच धाडस, तीच तळमळ मुलांमध्ये आणि तरुणांमध्येही दिसेल.आज भारतातील मुलांमध्ये तुम्ही जी आशा-आकांक्षांची बीजे पेरली आहेत, तिचे उद्या वटवृक्षात रुपांतर होईल आणि विकसित भारताचा पाया घातला जाईल.

 

तसेच पंतप्रधान म्हणाले की, आजच्या २१व्या शतकात जो देश विज्ञान आणि तंत्रज्ञानात प्रगती करेल, तो देश पुढे जाईल. पीएम मोदी म्हणाले की भारताचा अंतराळ उद्योग येत्या काही वर्षांत $8 अब्ज वरून $16 अब्ज होईल, तज्ञ म्हणतात. त्यामुळे सरकार देखील या दिशेने गांभीर्याने काम करत आहे. भारतात, गेल्या काही वर्षांत, ४ ते सुमारे १०० स्टार्टअप्स अंतराळ क्षेत्रात काम करत आहेत, असे ही सांगितले.