नितीश कुमारांच्या राज्यात चाललयं काय? ज्ञानभूमीत लैंगिक शोषणाचा 'बाजार'!

 

 

 

बिहार : नालंदा हा बिहारचे मुख्यमंत्री नितीश कुमार यांचा गृह जिल्हा आहे. येथेच पावपुरी येथील वर्धमान इन्स्टिट्यूट ऑफ मेडिकल सायन्स नावाचे वैद्यकीय महाविद्यालय आहे. या ज्ञानभूमीत लैंगिक शोषणाचा 'बाजार' सध्या सुरू आहे. एका विद्यार्थिनींच्या लैंगिक शोषणामुळे हे वैद्यकीय महाविद्यालय चर्चेत आले आहे. विद्यार्थिनींनी एचओडीसह ५ जणांवर विनयभंगाचा आरोप केला आहे. बिहार पोलिसांनी एका पोस्टद्वारे याचा खुलासा केला आहे.

 

मीडिया रिपोर्ट्सनुसार, विद्यार्थिनींचे म्हणणे आहे की परीक्षा उत्तीर्ण होण्यासाठी एचओडीने त्यांना आपल्या खोलीत बोलावून अश्लील चाळे करण्याचा प्रयत्न केला. आरोपीने पिडीतेला बाथरूममध्ये जाण्यास सांगितले. माझ्यावर प्रेम असेल तर पास करेन, असेही सांगितले. त्यांना अश्लील बोलण्यास भाग पाडल्याचा आरोपही विद्यार्थिनींनी केला आहे. दैनिक भास्करने एका विद्यार्थ्याचा हवाला देत सांगितले की, मेडिकल कॉलेजमध्ये ६ डिसेंबर २०२३ रोजी तोंडी परीक्षा होती. सुट्टीनंतर विद्यार्थी त्यांच्या घरी गेले. यानंतर विद्यार्थिना कॉलेजमध्ये बोलावण्यात आले. महाविद्यालयात येताच एचओडीने या विद्यार्थिनींना एकामागून एक खोलीत बोलावून अश्लील कृत्य केले.

 

 

 

विद्यार्थ्याच्या म्हणण्यानुसार, “सर म्हणाले की तुला इतके कमी गुण मिळाले आहेत. तू काय करशील? पास होणार की नापास? मी पास व्हायचे असे सांगितले. तो म्हणाला, 'चला तिकडे, बाथरूमच्या दिशेने जाऊया.' मी नकार दिल्यावर त्याने मला जबरदस्तीने पकडले. मी रडायला लागल्यावर तो मला सोडून गेला. डॉक्टर अजय कुमार, डॉक्टर जितेश कुमार यांनी मला पकडून ठेवले होते.

अन्य एका विद्यार्थ्यीने दिलेल्या माहितीनुसार, घटनेच्या वेळी आरोपी मद्यधुंद अवस्थेत होते. तिला विचारण्यात आले की, ती जर टॉप मध्ये आली तर त्या बदल्यात ती काय करेल? डॉ. निर्मल कुमार यांनी तिला पाय स्पर्श करून आशीर्वाद घेण्यास सांगितले. पण ती पायाला स्पर्श करण्यासाठी खाली वाकताच त्याने तिला पकडले आणि अश्लील कृत्ये करण्याचा प्रयत्न केला. पीडित मुली ओटी असिस्टंटचे शिक्षण घेत आहेत.

 

सुरुवातीला त्यांच्या आरोपांना गांभीर्याने घेतले जात नसल्याचा आरोपही विद्यार्थ्यांनी केला आहे. मात्र, स्थानिक ओपी प्रभारी अनिता कुमारी यांनी हा आरोप खोटा असल्याचे म्हटले आहे. पोलीस या प्रकरणाचा तपास करत असल्याचे सांगण्यात येत आहे. त्यानंतर पुढील कारवाई केली जाईल. कॉलेजचे प्राचार्य डॉ. अशोक कुमार सांगतात की, जिल्हाधिकाऱ्यांनी या प्रकरणाची चौकशी करण्यासाठी एक टीम तयार केली आहे.