"पंतप्रधानांनी वेळ दिल्यामुळे, मी त्यांचा आभारी" - सूर्यकुमार यादव

 

 

मुंबई : भारत आणि ऑस्ट्रेलिया यांच्यातील दुसऱ्या टी-२० सामन्यापूर्वी भारतीय कर्णधार सूर्यकुमार यादवने भारताचे पंतप्रधान नरेंद्र मोदी यांचे कौतुक केले आहे. सूर्यकुमार यादव म्हणाला की, "एकदिवसीय विश्वचषक फायनलमध्ये टीम इंडियाचा पराभव झाल्यानंतर पंतप्रधान नरेंद्र मोदी ड्रेसिंग रूममध्ये आले आणि सर्व खेळाडूंना प्रोत्साहन दिले. ही मोठी गोष्ट होती. यासाठी त्यांनी भारतीय पंतप्रधानांचे आभारही व्यक्त केले. पुढील वर्षी होणाऱ्या टी-२० विश्वचषकातही संघ त्याच उत्साहाने खेळत राहणार असल्याचे त्याने सांगितले.

 

विश्वचषकाच्या फायनलमध्ये भारताचा ऑस्ट्रेलियाकडून सहा गडी राखून पराभव झाल्याने त्याचे १२ वर्षांनंतर एकदिवसीय विश्वचषक ट्रॉफी जिंकण्याचे स्वप्न संपुष्टात आले. या पराभवानंतर पंतप्रधान मोदी खेळाडूंचे सांत्वन करण्यासाठी संघाच्या ड्रेसिंग रूममध्ये पोहोचले.

 

सूर्यकुमार सध्या ऑस्ट्रेलियाविरुद्धच्या पाच सामन्यांच्या टी-२० मालिकेत संघाचे नेतृत्व करत आहे. तो म्हणाला, “वर्ल्ड कप फायनलनंतर लगेचच आम्ही ड्रेसिंग रूममध्ये बसलो होतो आणि मग आमचे पंतप्रधान नरेंद्र मोदी देखील ड्रेसिंग रूममध्ये आले, त्यांनी आपल्या सर्वांना प्रेरणादायी शब्द सांगितले. ते प्रत्येक खेळाडूला भेटले आणि आमच्याशी बोलले की खेळात जसे घडते आणि पुढे जावे लागते. हा पराभव विसरायला आम्हाला थोडा वेळ लागेल पण त्यांचे पाच-सहा मिनिटे सर्वांना प्रेरणादायी शब्द बोलणे आणि आम्हाला भेटणे ही मोठी गोष्ट आहे कारण ते देशाचे पंतप्रधान आहेत. आम्ही त्यांचे लक्षपूर्वक ऐकले, त्यांच्यासोबत वेळ घालवला आणि आम्ही त्यांच्या सूचनांचे पालन करण्याचा प्रयत्न करू.”

 

पुढील वर्षी वेस्ट इंडिज आणि अमेरिकेत होणाऱ्या टी-२० विश्वचषक स्पर्धेत भारताला आयसीसी ट्रॉफी उंचावण्याची संधी आहे. याबाबत सूर्यकुमार म्हणाला की, "आगामी स्पर्धेत आम्ही चांगली कामगिरी करण्याचा प्रयत्न करू आणि पुढील वर्षी आयसीसी स्पर्धा आहे, त्यामुळे आम्ही त्याच जोशाने खेळू आणि जिंकण्याचा प्रयत्न करू."

 

चाहत्यांचे आभार व्यक्त करताना सूर्यकुमार म्हणाला, “विश्वचषक संपून फक्त चार-पाच दिवस झाले आहेत आणि आम्ही सर्वजण निराश झालो आहोत. पण भारतातील आणि जगभरातील आमच्या क्रीडा चाहत्यांकडून मिळालेला पाठिंबा पाहून आनंद झाला. शेवटी, हा एक खेळ आहे जो आपल्याला अनेक गोष्टी शिकवतो. मला फक्त एवढेच म्हणायचे आहे की आम्हाला सपोर्ट करत रहा.”