E-Paper Download App

देशात पहिल्यांदाच शेणाच्या ब्रीफकेसमध्ये बजेट !

छत्तीसगडचे मुख्यमंत्री भूपेश बघेल विधानसभेत दाखल; संस्कृतमध्ये लिहिलेले - "गोमय वसते लक्ष्मी"

09-Mar-2022

Total Views | 482

रा़यपूर : छत्तीसगडचे मुख्यमंत्री भूपेश बघेल यांनी बुधवारी विधानसभेत २०२२-२३ या आर्थिक वर्षाचा अर्थसंकल्प सादर केला. यादरम्यान बघेल यांच्या हातात असलेली ब्रीफकेस चांगलीच चर्चेत आली आहे. वास्तविक ही ब्रीफकेस शेणापासून बनलेली आहे. या ब्रीफकेसवर संस्कृतमध्ये लिहिले होते 'गोमय वसते लक्ष्मी' म्हणजे लक्ष्मी शेणात वास करते.

अर्थसंकल्प मांडण्यासाठी मुख्यमंत्र्यांनी शेणापासून बनवलेल्या ब्रीफकेसचा वापर करण्याची देशातील ही पहिलीच वेळ आहे. साधारणत: विविध राज्यांचे मुख्यमंत्री अर्थसंकल्पाची प्रत घेऊन जाण्यासाठी चामड्याच्या किंवा ज्यूटच्या ब्रीफकेसचा वापर करत आहेत. ही ब्रीफकेस रायपूर गोकुळ धाम गौठाणमध्ये कार्यरत 'एक पहल' महिला बचत गटाच्या महिलांनी तयार केली आहे.

ब्रीफकेस १० दिवसात तयार झाली

या ब्रीफकेसचे वैशिष्ट्य म्हणजे शेणाची पूड, चुन्याची पूड, मैदा, लाकूड, गवार डिंक यांचे मिश्रण थर थर लावून १० दिवसांच्या मेहनतीनंतर तयार करण्यात आल्याचे या ग्रुपमधील महिलांनी सांगितले. विशेषत: बजेटसाठी डिझाइन केलेले, या ब्रीफकेसचे हँडल कोंडागाव शहरातील बस्तर आर्ट आर्टिसन्सने बनविला आहे.

शेण हे माँ लक्ष्मीचे प्रतीक आहे

वास्तविक, छत्तीसगडमध्ये असे मानले जाते की शेण हे देवी लक्ष्मीचे प्रतीक आहे. राज्यातील तीज सणांमध्ये शेणाने घरे सारवण्याची परंपरा आहे. हे लक्षात घेऊन बचत गटांच्या महिलांनी गोमय ब्रीफकेस बनवली आहे, जेणेकरून मुख्यमंत्र्यांच्या हस्ते या ब्रीफकेसद्वारे छत्तीसगडच्या प्रत्येक घरात लक्ष्मीचा प्रवेश होईल आणि छत्तीसगडमधील प्रत्येक नागरिक आर्थिकदृष्ट्या सक्षम होऊ शकेल.

गोधन न्याय योजना २०२० मध्ये सुरू झाली

गोधन न्याय योजना २०२१ मध्ये राज्यात सुरू झाली.पशुपालकांना फायदा व्हावा हा यामागचा उद्देश आहे. या योजनेंतर्गत राज्य सरकार पशुपालक शेतकऱ्यांकडून शेण खरेदी करते. त्या बदल्यात त्यांना पैसे दिले जातात. २०२२ पर्यंत अनेक शेतकऱ्यांनीही या योजनेचा लाभ घेतला आहे.

या योजनेअंतर्गत सरकार गायींसाठीही काम करत आहे. राज्य सरकारने यासाठी राज्यभरात वेगवेगळी गौठाणेही बांधली आहेत. यामध्ये गायींची निगा राखून त्यांच्या शेणापासून गांडूळ खत तयार करण्याचे काम केले जात आहे.

पंतप्रधानांनीही या योजनेचे कौतुक केले आहे

गोधन न्याय योजनेने संपूर्ण देशात एक वेगळी ओळख निर्माण केली आहे. पंतप्रधान आणि कृषीविषयक संसदीय समितीनेही त्याचे कौतुक केले आहे. गोधन न्याय योजनेंतर्गत राज्यभरात १०५९१ गौठणांना मान्यता देण्यात आली आहे. त्यापैकी ८०४८ गौठाणांचे बांधकाम पूर्ण झाले आहे. राज्यातील २८०० गौठण स्वावलंबी झाले आहेत.

शेणापासून बनवलेले वीज आणि गुलाल

राज्य सरकार केवळ गोपालकांकडून शेणखत खरेदी करत आहे. याशिवाय शेणापासून वीज आणि गुलाल बनवण्याचे काम राज्य सरकार करत आहे. गेल्या वर्षी गांधी जयंतीच्या दिवशी मुख्यमंत्र्यांनी शेणापासून वीजनिर्मिती करण्याच्या प्रकल्पाचा शुभारंभ केला होता. याअंतर्गत आता राज्य सरकार शेणापासून वीज निर्मितीचे काम करत आहे. त्याचवेळी रायपूरच्या सामाजिक संस्थेचा एक उपक्रम शेणापासून गुलाल बनवण्याचे काम करत आहे.