प्रकल्पग्रस्तांच्या वारसांनाही मिळणार पुनर्वसनाचा हक्क!

कोणत्याही भूसंपादित जमिनीच्या मूळ मालकाचा मृत्यू भूसंपादनाच्या प्राथमिक अधिसूचना किंवा त्यानंतरच्या निवाड्यापूर्वी झाला असेल, तर त्या मालकाच्या वारसांना स्वतंत्रपणे पुनर्वसनाचा लाभ मिळेल. हे वारस वैधानिक व कौटुंबिक वारसदाव्याच्या आधारे निश्चित करण्यात येणार आहेत.दि. २० डिसेंबर २००४ ही निवाड्याची तारीख या संपूर्ण प्रक्रियेसाठी महत्त्वाची मानली आहे. त्यानुसार दोन वेगवेगळे नियम लागू होतील. दि. २० डिसेंबर २००४ पूर्वी निवाडा झाल्यास मयत जमीनमालकाच्या प्रत्येक मुलगा किंवा मुलीला स्वतंत्रपणे लाभ दिला जाईल. जर त्यातील कोणीही मुलगा-मुलगी मयत असेल, तर त्यांच्या नातवंडांना एकत्रितपणे एक युनिट म्हणून लाभ दिला जाईल.