मनसेसोबत युतीचं काय झालं? काय म्हणाले देवेंद्र फडणवीस?

    30-Mar-2024
Total Views | 114

Fadanvis & Archana Chakurkar 
 
लातूर : मनसे आणि आमच्या बैठका झाल्या असल्या तरी यूतीबाबत अद्याप कुठलाही निर्णय झालेला नाही, अशी प्रतिक्रिया उपमुख्यमंत्री देवेंद्र फडणवीसांनी दिलेली आहे. शनिवारी काँग्रेसचे जेष्ठ नेते आणि माजी केंद्रीय गृहमंत्री शिवराज पाटील चाकूरकर यांची सून अर्चना पाटील चाकूरकर यांनी शनिवारी भाजपमध्ये जाहीर प्रवेश केला. यावेळी ते बोलत होते.
 
मनसे महायूतीमध्ये सहभागी होण्याबद्दल विचारले असता उपमुख्यमंत्री देवेंद्र फडणवीस म्हणाले की, "मनसेसोबत आमच्या बैठका झाल्या आहेत यात कुठलंही दुमत नाही. लोकसभा निवडणूका लढवत असताना सगळ्या प्रकारच्या शक्यतांच्या चर्चा होत असतात. मात्र, यासंदर्भात अद्याप आमचा कुठलाही निर्णय झालेला नाही."
 
हे वाचलंत का? -  चव्हाणांनंतर काँग्रेसचे अनेकजण...; मुनगंटीवारांचं सूचक विधान
 
महायूतीच्या जागावाटपाबाबत बोलताना ते म्हणाले की, "आमचं चार-पाच जागांवर अडलेलं आहे. एक जागा अडली की, तीन जागा अडतात. पण फार अडलंय अशी परिस्थिती नाही. थोडसं अडलं आहे ते एक दोन दिवसांत सोडवलं जाईल," असे ते म्हणाले. दरम्यान, लोकसभा निवडणूकीच्या पार्श्वभूमीवर महायूतीच्या जागावाटपाची सर्वांना उत्सुकता लागली आहे.
 
पुढे ते म्हणाले की, "माध्यमं अंबादास दानवेंची चर्चा करत आहे. पण आम्ही जर ऑपरेशन केलं तर तुम्हाला कळतंच नाही आणि तुम्हाला कळलं तर ते ऑपरेशन नाही. त्यामुळे अंबादास दानवेंशी आमचा कुठलाही संपर्क नाही आणि त्यांच्या प्रवेशाची आमच्याकडे कुठलीही चर्चा नाही," असेही ते म्हणाले.
 
 
 
 
अग्रलेख
जरुर वाचा
हिंदू समाजाने जागृत होणे अत्यावश्यक: सरसंघचालक डॉ. मोहनजी भागवत

हिंदू समाजाने जागृत होणे अत्यावश्यक: सरसंघचालक डॉ. मोहनजी भागवत

राष्ट्रीय स्वयंसेवक संघाला 100 वर्षे पूर्ण होतील. संघाचा जन्म, जन्मापासून करावा लागलेला संघर्ष, विस्तार व आज समाजातील सर्वच क्षेत्रांवर संघाचा पडलेला लक्षणीय प्रभाव, या सार्‍या प्रक्रियांबाबत समाजात, राष्ट्रीय व आंतरराष्ट्रीय स्तरावरही कमालीचे कुतूहल आहे. यांसारख्या विविध विषयांवर ‘ऑर्गनायझर’चे संपादक प्रफुल्ल केतकर, ‘पांचजन्य’चे संपादक हितेश शंकर, सा. ‘विवेक’च्या संपादक अश्विनी मयेकर आणि मल्याळम दैनिक ‘जन्मभूमी’चे सहसंपादक एम. बालकृष्णन यांनी सरसंघचालक डॉ. मोहनजी भागवत यांच्याशी साधलेला हा विशेष संवाद.....

Email

admin@mahamtb.com

Phone

+91 22 2416 3121