भारतातील पहिला खेकड्यांच्या स्थलांतरणाचा अभ्यास साताऱ्यात

या संशोधनात खेकड्यांच्या पाच प्रजातींचा अभ्यास केला जाणार आहे. विशीष्ट हंगामात पठारावर येऊन तर काही कालावधीनंतर पुन्हा सुप्त अवस्थेत जाणाऱ्या खेकड्यांविषयी हा अभ्यास केला जात आहे. 'भारतातील गोड्या पाण्यातील किंवा पश्चिम घाटाच्या पठारांवरील खेकड्यांच्या वर्तनशास्त्र व स्थलांतराचा अभ्यास' असे या प्रकल्पाला नाव देण्यात आले असुन महादरे इकॉलॉजिकल रिसर्च इंस्टीट्यूटचे संशोधक यावर काम करत आहे. या क्षेत्रात तीस वर्षांहुन अधिक कालावधीचा अनुभव असणारे सुनील भोईटे, गायत्री पवार या संशोधकांचा समावेश आहे. ठरावीक पठारांवर अभ्यास सुरू असला तरी त्याची विशीष्ट ठिकाणे संवर्धनाच्या दृष्टीकोनातुन संशोधकांनी सांगण्यास नापसंती दर्शविली.