अनिल परबांभोवतीचा कारवाईचा फास आवळला, आणखी एक अटकेत!

14-Mar-2023

Total Views | 238

मुंबई : साई रिसॉर्ट प्रकरणी अनिल परब यांना हा मोठा दिलासा मिळाला आहे. मुंबई हायकोर्टात याप्रकरणी सुनावणी सुरू होती. सोमवारपर्यंत परब यांना अटक करू नका, असे आदेश कोर्टाने ईडीला दिले आहेत. दोनदिवसांपूर्वी दापोलीतील साई रिसॉर्टशी संबंधित मनी लाँड्रिंग प्रकरणी ईडीने सदानंद कदम यांना अटक केल्यानंतर परब यांनी कोर्टात धाव घेतली होती. काही तासांपूर्वीच, जयराम देशपांडे अटक करण्यात आली आहे.

दरम्यान याप्रकरणात अनिल परब यांनी उच्च न्यायालयात धाव घेत, याचिका प्रलंबित असेपर्यंत ईडीच्या कारवाईपासून अंतरिम दिलासा देण्याची मागणी केली होती. न्यायालयाने आता अनिल परबांना तूर्तास अटकेपासून दिलासा दिला आहे. २० मार्चपर्यंत अंतरिम संरक्षण देत तूर्तास कठोर कारवाई न करण्याचे निर्देश दिले आहेत.