युद्धविराम यशस्वी,पण.... इस्रालची मोठी घोषणा!

तेल अवीव : ऑक्टोबर २०२३ साली सुरू झालेल्या इस्रायल आणि हमास यांच्यातील युद्धाला आता अखेर पूर्णविराम मिळाला. अमेरिका, इजिप्त आणि कतारच्या सहयोगाने युद्धविराम यशस्वी झाला. मागच्या दीड वर्षाच्या कालावधीत लाखो निष्पाप नागरिकांचा यामुळे बळी गेला. अशातच आता युद्ध थांबणार असल्याची चिन्हं दिसायला लागली आणि आखाती देशांनी सुटकेचा श्वास घेतला. इस्रायालचे पंतप्रपधान बेंजामिन नेतान्याहू यांनी अशातच एक महत्वाची सूचना केली आहे. प्रसारमाध्यमांशी दूरस्थ प्रणालीतून संवाद साधताना नेतान्याहू म्हणाले की युद्धविरामाची बोलणी जर का अपयशी झाली तर इस्रायल युद्धाला परत एकदा सुरूवात करू शकते असा इशारा त्यांनी दिला आहे.

 

हमासचा म्होरक्या याह्या सिनवार याच्यासहीत अनेक दहशतवाद्यांना संपवण्यात आम्हाला यश आला आहे. पश्चिम आशिई देशांचा आम्ही चेहरा आम्ही बदलला आहे. इस्रायल कुठल्याही प्रकारे कराराचे उल्लंघन सहन करणार नाही.इस्रायलच्या प्रसारमाध्यमांनी हमासने ओलिस ठेवलेल्या एकूण ३३ नागरिकांची यादी बनवली आहे. पुढील काही आठवड्यांमध्ये १,८९० पॅलेस्टिनी कैद्यांच्या बदल्यात ३३ ओलिस ठेवलेल्या नागरिकांची सुटका होणार आहे. कराराच्या अटींनुसार, इस्रायल गाझामधून आपले सैन्य मागे घेण्यास सुरूवात करणार आहेत.

अमेरीकेच्या राष्ट्राध्यक्षांनी माध्यमांना दिलेल्या माहितीनुसार युद्धविरामाचा पहिला टप्पा एकूण ६ आठवडे सुरू असेल, ज्यामध्ये संपूर्ण युद्धविरामाची अंमलबजावणी करण्यात येईल. हमास, ओलिस ठेवलेल्या ३३ इस्रायली नागरिकांना सोडणार आहे. त्याच बरोबर इस्रायलसुद्धा १,८९० पॅलेस्टिनी कैद्यांना सोडणार आहे. या पहिल्या टप्प्यात, इस्रायली सैन्य गाझाच्या जास्त लोकसंख्या असलेल्या भागातून माघार घेईल. युद्धविरामाच्या दुसऱ्या टप्पयात युद्ध पूर्णपणे थांबवण्यात येईल. ओलिस ठेवलेल्या उर्वरीत नागरिकांना सोडण्यात येईल. तिसऱ्या आणि शेवटच्या गाझाचे पुर्नवसन करण्यात येईल.