अमेरिकेचा हिंदुफोबिया उघड! रामललाचे मुर्तीकार अरूण योगीराज यांना नाकारला व्हिसा

अमेरिकेतील ग्रेटर रिचमंड कनव्हेंशन सेंटर, व्हर्जिनिया येथे ३० ऑगस्ट ते १ सप्टेंबर दरम्यान बारावी 'अक्का' (AKKA) जागतिक कन्नाडा परिषद आयोजित करण्यात आली आहे. या परिषदेला जाण्यासाठी मुर्तीकार अरुण योगीराज सुमारे दोन महिन्यांपूर्वी पर्यटन व्हीसाची मागणी केली होती. मात्र, कोणतीही सूचना न देता हा व्हीसा १० ऑगस्ट रोजी नाकारण्यात आला. दै.'मुंबई तरुण भारत'ने अरुण योगीराज यांच्या कार्यालयाशी संपर्क केला. मात्र, व्हिसा का रद्द झाला याबद्दल त्यांच्या कार्यालयालाही याबद्दल माहिती देण्यात आली नाही, असे त्यांनी सांगितले आहे. योगीराज यांनी व्हिसा कार्यालयात बँक खात्यासह करपरतावा आणि अन्य लागणारी सर्व कागदपत्रांची पूर्तताही केली होती. मात्र, नेमकं कारण काय हे अद्याप समजू शकलेले नाही.