महाराष्ट्र सदनाचे उद्या अयोध्येत मंत्री रविंद्र चव्हाण यांच्या हस्ते भूमिपूजन

 

डोंबिवली, दि. ६ : ( Maharashtra sadan ) महायुती सरकारने अयोध्येत महाराष्ट्र सदन बांधण्याचा निर्णय मंत्रिमंडळात घेतला होता. त्याचा पहिला टप्पा म्हणून महाराष्ट्राचे सार्वजनिक बांधकाममंत्री रविंद्र चव्हाण यांनी जून महिन्यात उत्तर प्रदेश सरकारला दहा टक्के रक्कम चुकती केली होती. उद्या दि. 8 ऑक्टोबर रोजी मंत्री चव्हाण यांच्या हस्ते उत्तर प्रदेश ग्रीन फील्ड टाऊनशिप अयोध्या येथे महाराष्ट्र सदनाचा भूमिपूजन समारंभ आयोजित करण्यात आला आहे.

 

उत्तर प्रदेशचे उपमुख्यमंत्री केशव प्रसाद मौर्य यांच्या प्रमुख उपस्थितीत हा सोहळा पार पडणार आहे. महाराष्ट्रातील अनेक कारसेवकांनी श्रीराम मंदिरासाठी बलिदान दिले. राम मंदिर स्थापनेनंतर दररोज महाराष्ट्रातून अयोध्येत दर्शनासाठी जाणार्‍या भाविकांची संख्या लक्षणीय आहे. यासाठी अयोध्येत महाराष्ट्र सदन बांधण्याचा मोठा निर्णय घेतला. अयोध्येत होणार्‍या या भूमिपूजन सोहळ्यास सार्वजानिक बांधकाम खात्याच्या अपर मुख्य सचिव मनीषा म्हैसकर-पाटणकर, सार्वजानिक बांधकाम खात्याचे सदाशिव साळुंखे, संजय दशपुते, राजेंद्र राहणे अणि विवेक बडे आदी अधिकारी मंत्री चव्हाण यांच्यासोबत उपस्थित राहणार आहेत.