जलाभिषेक यात्रेवर कट्टरपंथीयांकडून दगडफेक; हरियाणात तणावाची स्थिती

31-Jul-2023

Total Views | 135

चंडीगड : हरियाणातील नूह येथील ब्रज मंडल यात्रेवर एका विशिष्ट समुदायाच्या लोकांनी दगडफेक केली आहे. या दगडफेकीत अनेक जण जखमी झाले. दंगेखोरांनी ५ गाड्या पण पेटवून दिल्या. तणावाची स्थिती पाहता नूह आणि हातीनमध्ये इंटरनेट सेवा बंद करण्यात आली आहे.

विशेष म्हणजे दरवर्षीप्रमाणे यंदाही ब्रिज मंडळ जलाभिषेक यात्रा काढण्यात आली होती. यात्रेदरम्यान, गुरुग्राममधून शेकडो वाहनांमध्ये विश्व हिंदू परिषद आणि बजरंग दलाचे कार्यकर्तेही नलहुद शिव मंदिर नूह येथे भगवान शंकराचा जलाभिषेक करण्यासाठी जात होते.

ही यात्रा शिवमंदिर नळहुड येथे पोहोचताच. त्याचवेळी एका विशिष्ट समाजातील उपद्रवी घटकांनी यात्रेवर दगडफेक सुरू केली आणि अनेक वाहनांची जाळपोळ आणि तोडफोडही केली. याप्रकरणी पोलीस अद्याप काहीही बोलण्यास तयार नसले तरी परिसरात तणावाचे वातावरण आहे.

या अपघातात किती जण जखमी झाले आहेत, याची माहिती मिळालेली नाही. सध्या नुह बायपासवर जोरदार दगडफेक होत आहे, वाहनांची तोडफोड आणि जाळपोळ होत आहे. तणावाची स्थिती पाहता गुरुग्राम आणि पलवल येथून अतिरिक्त पोलीस बंदोबस्त मागवण्यात आला आहे. याशिवाय नूह आणि हातीनमध्ये इंटरनेट सेवा बंद करण्यात आली आहे.