'सामान्य कार्यकर्त्याला भाजपने मुख्यमंत्री केलं त्यातच सगळं आलं...' शिवराजसिंह चौहानांच्या पक्षनिष्ठेचं सर्वत्र कौतुक!

नवी दिल्ली : डॉ.मोहन यादव यांनी मध्य प्रदेशात मुख्यमंत्रीपदाची शपथ घेतली. शिवराजसिंह चौहान यांच्या जागी भारतीय जनता पक्षाने त्यांना राज्याची कमान दिली आहे. दरम्यान, शिवराज सिंह चौहान यांनी दि. १२ डिसेंबर २०२३ रोजी पत्रकार परिषदेला संबोधित केले. पत्रकारांनी त्यांना विचारले की, पक्षाला बंपर विजय मिळवून देण्यासाठी एवढी मेहनत करूनही त्यांना मुख्यमंत्री न करून भाजपने त्यांच्यावर अन्याय केला का? ते भाजपच्या सर्वोच्च नेतृत्वावर नाराज आहेत का? याला प्रत्युत्तर देताना शिवराज सिंह चौहान जे काही बोलले ते ऐकून लोक त्यांचे कौतुक करत आहेत.

 

मध्य प्रदेशचे मुख्यमंत्री शिवराज सिंह चौहान यांनी दि.१२ डिसेंबर २०२३ रोजी सांगितले की, मी खूप समाधानी आहे. ते म्हणाले, “मी २००५ मध्ये मुख्यमंत्री झालो, उमा भारती यांच्या मेहनतीमुळे ते सरकार स्थापन झाले. तरीही मी समाधानी आहे. लाडली बहना योजनेसह केंद्र आणि राज्याच्या इतर योजनांचाही सध्याच्या विजयात मोलाचा वाटा आहे. यावेळी ते म्हणाले, “मुख्यमंत्री असूनही जनतेशी माझे मुख्यमंत्रीपदाचे कधीच संबंध नव्हते, कौटुंबिक संबंध होते. मामाचे नाते हे प्रेमाचे असते तर भाऊ बहिणीचे नाते विश्वासाचे असते. मी श्वास असेपर्यंत प्रेम आणि विश्वासाचे नाते तुटू देणार नाही. जनतेची सेवा ही ईश्वराची पूजा आहे. ही पूजा मी सदैव करत राहीन. कारण त्याने मला स्वतःचे मानले आणि इतर कोणालाही स्वीकारले नाही.”