'रामभाऊ म्हाळगी प्रबोधिनी'च्या अध्यक्षपदी देवेंद्र फडणवीस!

13-Mar-2021

Total Views | 491

उपाध्यक्षपदी विनय सहस्त्रबुद्धे यांची निवड

सचिवपदी भाई गिरकर; तर कोषाध्यक्ष पदी अरविंद रेगे

मुंबई: रामभाऊ म्हाळगी प्रबोधिनी अध्यक्षपदी माजी मुख्यमंत्री आणि विरोधी पक्षनेते देवेंद्र फडणवीस यांची निवड करण्यात आली आहे. रामभाऊ म्हाळगी प्रबोधिनीची सर्वसाधारण सभा आज मुंबई येथे पार पडली आणि त्यात ही निवड करण्यात आली. उपाध्यक्ष पदी विनय सहस्त्रबुद्धे यांची, सचिवपदी भाई गिरकर व कोषाध्यक्षपदी अरविंद रेगे यांची निवड करण्यात आली.

आतापर्यंत अध्यक्षपदाची जबाबदारी राष्ट्रीय स्वयंसेवक संघाचे अ.भा. संपर्क प्रमुख प्रा. अनिरूद्ध देशपांडे यांच्याकडे होती. त्यांचा कार्यकाळ संपल्याने त्यांच्या जागी ही निवड करण्यात आली. संयुक्त राष्ट्रसंघाच्या इकॉनॉमिक कौन्सिलशी संलग्न असलेली रामभाऊ म्हाळगी प्रबोधिनी १९८२ पासून कार्यकर्ता निर्माणाच्या क्षेत्रात कार्यरत आहे.

रामभाऊ म्हाळगी प्रबोधिनीची सर्वसाधारण सभा आज मुंबई येथे पार पडली आणि त्यात माजी मुख्यमंत्री, विधानसभेतील विरोधी पक्षनेते देवेंद्र फडणवीस यांची अध्यक्षपदी निवड करण्यात आली. उपाध्यक्षपदी विनय सहस्त्रबुद्धे यांची निवड करण्यात आली.
दोघांचेही मनःपूर्वक अभिनंदन! pic.twitter.com/JpOGoCIOsH
— Rambhau Mhalgi Prabodhini (@rmponweb) March 13, 2021

'रामभाऊ म्हाळगी प्रबोधिनी' ही एक लोकप्रतिनिधी, सामाजिक संस्था, कार्यकर्ते तसेच स्टार्टप यांच्यातील व्यक्तींच्या कौशल्य विकासासाठी काम करणारी संस्था आहे. तसेच म्हाळगी प्रबोधिनी ही विविध विषयांवर जनजागृती करण्याचे काम करते. संपूर्ण दक्षिण आशिया आणि दक्षिण पूर्व आशियामधील 'आरएमपी' ही एक खास संस्था आहे; जी संयुक्त राष्ट्रांच्या आर्थिक आणि सामाजिक परिषदेद्वारे प्रदान केलेली 'विशेष सल्लागार दर्जा प्राप्त' संस्था आहे.