इंदुरीकर महाराजांना सायबर सेलचा दिलासा ; कारवाई होणार नाही

अहमदनगर : प्रसिद्ध कितर्नकार ह. भ. प. निवृत्ती महाराज इंदुरीकर यांना मोठा दिलासा मिळाला आहे. इंदुरीकर महाराज यांच्या त्या वादग्रस्त किर्तनाचा व्हिडीओ यूटयूबवर उपलब्ध नसल्याचा अहवाल सायबर सेलने दिला आहे. इंदुरीकर महाराज यांच्यावर कीर्तन करताना एक वादग्रस्त वक्तव्य केल्याचा आरोप होता. त्यावरुन आरोग्य विभागाने त्यांना नोटीसही पाठवली होती. परंतु आपण कितर्नात असे कुठलेही वादग्रस्त वक्तव्य केले नव्हते असे इंदुरीकर महाराज म्हणाले होते.

"सम तिथीला स्त्री संग केला तर मुलगा होतो आणि विषम तिथीला स्त्री संग केल्यास मुलगी होते,' असे विधान ओझर येथे झालेल्या किर्तनात त्यांनी केलं होत. त्यावर अंधश्रद्धा निर्मूलन समितीनं आक्षेप घेतल्यानं घेत गुन्हा दाखल करण्याची मागणी केली होती. इंदोरीकर महाराज यांनी केलेल्या वादग्रस्त वक्तव्यामुळे त्यांच्यावर तात्काळ गुन्हा दाखल करण्याची मागणी करण्यासाठी भूमाता ब्रिगेडच्या संस्थापक तृप्ती देसाई यांनी नगरमध्ये पोलीस अधीक्षकांची भेट घेऊन इंदुरीकर महाराजांविरोधात लेखी तक्रार दिली होती. त्यांच्याविरोधात तात्काळ गुन्हा दाखल करण्यात यावा, अशी मागणी त्यांनी देखील त्यांनी केली होती.