अबू आझमींना औरंगजेबाच्या कबरीच्या बाजूला झोपवले पाहिजे!

मुंबई : ( Nitesh Rane on  Abu Azmi ) कुणाला औरंगजेबाची एवढी आठवण येत असेल तर त्यांना त्याच्या कबरीच्या बाजूला जागा झोपवले पाहिजे, अशी टीका मत्स्य व बंदरे विकास मंत्री नितेश राणे यांनी अबू आझमींवर केली. अबू आझमी यांनी औरंगजेबाची स्तुती केल्याने राज्यातील वातावरण सध्या चांगलेच तापले आहे. अर्थसंकल्पीय अधिवेशनातही याचे पडसाद उमटले असून मंगळवार, ४ मार्च रोजी दिवसभरासाठी कामकाज तहकूब करण्यात आले.

 

दरम्यान, माध्यमांशी बोलताना मंत्री नितेश राणे म्हणाले की, "कुणाला औरंगजेबाची आठवण येत असेल तर त्याच्या कबरीच्या बाजूला जागा खोदून देऊ. औरंग्याने ज्या पद्धतीने छत्रपती संभाजी महाराजांचे हाल केलेत, ते छावा चित्रपटाच्या निमित्ताने अख्ख्या जगाने पाहिले आहेत. स्वराज्याची लढाई ही इस्लामच्या विरोधात होती. तेव्हा सेक्युलर वगैरे विषय नव्हता. इस्लामच्या विरोधात छत्रपती शिवरायांनी आणि छत्रपती संभाजी महाराजांनी हिंदवी स्वराज्याची स्थापना केली. हिंदू विरुद्ध मुसलमान असा तो विषय असल्याचे जेवढ्या लवकर जिहादी मानसिकतेच्या लोकांना कळेल तेवढे त्यांना औरंग्याचे स्वप्न पडणार नाहीत," अशी टीका त्यांनी अबू आझमी यांच्यावर केली.