जावेद मियांची जळफळ

धरण बांधायचे, मग जनतेनेच पैसे द्यावे, कोरोनाशी सरकारला लढायचे आहे, तरी जनतेनेच सरकारला आर्थिक मदत करायची, रुग्णालय जनतेला हवे ना, तर लोकांनीच देणगी द्यायची, अशा चोराच्या उलट्या बोंबा. जनतेचा खिसा आधीच रिकामा, त्यात आता फाटलेला, शिल्लक काही नाही, महागाईचा आगडोंब उसळलेला, पण जावेद मियांसारख्या पाकी श्रीमंतांना मात्र या सगळ्याची नाही, तर अणुबॉम्बचीच चिंता जास्त.

जनतेचा खिसा आधीच रिकामा, त्यात आता फाटलेला, शिल्लक काही नाही, महागाईचा आगडोंब उसळलेला, पण जावेद मियांसारख्या पाकी श्रीमंतांना मात्र या सगळ्याची नाही, तर अणुबॉम्बचीच चिंता जास्त. अणुबॉम्ब जप्त केले तर पाकिस्तान भारतासमोर कमजोर पडेल. भारत पाकिस्तानवर आक्रमण करेल. त्याचे तुकडे पाडेल, हीच भीती जनतेच्या मनात आजवर येथील राजकारण्यांनी इतकी ठासून भरली आहे की, जनताही या सापळ्यात सहज अडकते आणि मग अशा लोकांचे फावते. जनतेच्याच पैशावर मग सरकारही चालते आणि दहशतवादही पोसला जातो. पण, पाकिस्तानी जनतेने आता डोळ्यांवरची झापडं काढून फेकायची वेळ आली आहे. कुठल्याही देशाचे अणुबॉम्ब जप्त करणे, उद्ध्वस्त करणे हे बंदुकीतून गोळी झाडण्याइतके सोपे नाही. तेव्हा, देशाला वाचवण्याच्या नावाखाली जनतेची अशी धूळफेक पाकिस्तानींनी लक्षात घ्यावी. तसेच जावेद मियांदादला आजवर पाकिस्तानी लोकांना त्याने किती मदत केली, हा जाब विचारावा. तेव्हा जावेद मियां, ऐन रमजानच्या पवित्र महिन्यात स्वत:ची रिकामी झोळी भरण्यासाठी आणि नादान ‘कप्तान’ला खूश करण्यासाठी तरी अण्वस्त्रांच्या आणाभाका खाऊ नका!