मुंबई : महाराष्ट्रातील विविध प्रकल्पांवर चर्चा करण्यासाठी मुख्यमंत्री देवेद्र फडणवीस यांची वर्ल्ड बँकेचे कंट्री डायरेक्टर ऑगस्ट कौमे आणि इंटरनॅशनल फायनान्स कॉर्पोरेशनचे दक्षिण आशिया रिजनल हेड इमाद फाखोरे आणि इतर अधिकाऱ्यांसोबत मंत्रालयात एक महत्वपूर्ण बैठक पार पडली. या बैठकीतस मुख्यंमत्र्यांच्या मुख्य सचिव तसेच मुंबई मेट्रो कॉर्पोरेशनच्या व्यवस्थापकीय संचालक अश्विनी भिडे यांच्यासह विविध अधिकारी उपस्थित होते. या बैठकीत महाराष्ट्राच्या शाश्वत विकासासाठी महत्वाच्या विषयांवर चर्चा झाली.
मुख्यमंत्री देवेंद्र फडणवीस यांची आज मंत्रालय, मुंबई येथे भारतातील वर्ल्ड बँकेचे कंट्री डायरेक्टर ऑगस्ट कौमे आणि इंटरनॅशनल फायनॅन्स कार्पोरेशनचे दक्षिण आशिया रिजनल हेड इमाद फाखोरे यांच्यासह अन्य प्रतिनिधींनी भेट घेतली.
— CMO Maharashtra (@CMOMaharashtra) February 4, 2025
या बैठकीत शहरी पाणीपुरवठा, स्वच्छता आणि पूर व्यवस्थापन,… pic.twitter.com/yX82KRw06x
मुख्यमंत्री देवेंद्र फडणवीस यांच्याकडून राज्यातील सर्व क्षेत्रांच्या विकासाला चालना देण्यासाठी काम केले जात आहे. यातून महाराष्ट्राच्या विकासासाठी आंतरराष्ट्रीय संस्थांचे पाठबळ मिळवून त्यातून विकास प्रकल्पांना गती देणे हे साध्य करणे हेच सरकारचे धोरण आहे. नुकत्याच झालेल्या दावोस परिषदेत मुख्यमंत्री देवेंद्र फडणवीस यांच्या नेतृत्वात महायुतीच्या शिष्टमंडळाने तब्बल १५ लाख कोटी रुपयांचे विक्रमी सामंजस्य करार केले आहेत. या गुंतवणुक करारांना प्रत्यक्षात आणण्यासाठी आवश्यक पायाभूत सुविधा प्रकल्पांना गती देण्याचे काम आता सरकारकडून सुरु करण्यात आले आहे.