‘पुष्पा २' अन् ‘छावा’ची बॉक्स टक्कर, विकी कौशल आणि अल्लू अर्जून भिडणार

16-Aug-2024

Total Views | 45

मुंबई : लक्ष्मण उत्तेकर दिग्दर्शित ‘छावा’ हा चित्रपट लवकरच प्रदर्शित होणार असून छत्रपती संभाजी महाराजांच्या जीवनावर आधारित या ऐतिहासिकपटात अभिनेता विकी कौशल छत्रपती संभाजी महाराजांची व्यक्तिरेखा साकारणार आहे. नुकताच या चित्रपटाचा टीझर व्हायरल झाला होता. पण आता या चित्रपटाबद्दल आणखी एक बातमी समोर येत आहे ती म्हणजे विकी कौशलच्या छावा चित्रपटाची टक्कर अल्लू अर्जूनच्या ‘पुष्पा २’ सोबत होणार आहे.

‘छावा’ चित्रपटाच्या टीझरची एक क्लिप सध्या सोशल मीडियावर व्हायरल होत असून टीझरमध्ये दाखवल्याप्रमाणे ६ डिसेंबर २०२४ रोजी ‘छावा’ प्रदर्शित होणार असे दिसत आहे. तर, ‘पुष्पा २’ हा चित्रपटही त्याच दिवशी म्हणजे ६ डिसेंबरला चित्रपटगृहात दाखल होणार आहे. त्यामुळे बॉक्स ऑफिसवर दोन मोठ्या कलाकारांचे चित्रपट आमने सामने येणार आहेत.

अल्लू अर्जुनचा 'पुष्पा: द राइज' हा चित्रपट बॉक्स ऑफिसवर ब्लॉकबस्टर ठरला, त्यानंतर चित्रपटाच्या दुसऱ्या भागाची घोषणा करण्यात आली. या चित्रपटात अल्लू अर्जुनसोबत रश्मिका मंदाना, फहद फाजिल सुनील, राव रमेश, अनुसया भारद्वाज आणि जगदीश असे अनेक कलाकार दिसणार आहेत. तर ‘छावा’ या चित्रपटात देखील विकी कौशलसोबत रश्मिका मंदाना झळकणार आहे.