एसएनडीटी विद्यापीठात मियावाकी पद्धतीने १६०० वृक्षांची लागवड!

26-Jun-2024

Total Views | 45

मुंबई : मुंबई महापालिका, छत्रपती शिवाजी महाराज आंतरराष्ट्रीय विमानतळ (मुंबई) आणि एसएनडीटी विद्यापीठाच्या संयुक्त विद्यामाने दि. २६ जून रोजी विद्यापीठाच्या जुहू कॅम्पसमधील जागेवर मियावाकी पद्धतीने २५ प्रजातींच्या १६०० वृक्षांची लागवड करण्यात आली. पर्यावरण दिनानिमित्त या वृक्षांच्या लागवडीचे काम पुर्ण झाले होते. तरी एसएनडीटी विद्यापीठाच्या कुलगुरू डॉ. उज्जवला चक्रदेव, सीएसएमआयएचे वरिष्ठ अधिकारी आणि पालिका उद्यान अधिक्षक जितेंद्र परदेशी यांच्या मार्गदर्शनाने हा प्रकल्प राबवण्यात आला.

या कार्यक्रमात पालिकेचे प्रवीण गोसावी (उप उद्यान अधिक्षक), हनुमंत गोसावी (सहाय्यक उद्यान अधिक्षक) तसेच सीएसएमआयएचे अधिकारी यांच्या हस्ते प्रातिनिधिक स्वरुपात वृक्षारोपण करण्यात आले. एसएनडीटी विद्यापीठाच्या जुहू कॅम्पसमधील ७०० चौ.मी जागेत १६०० वृक्षांची लागवड करण्यात आली आहे. ज्यात नीम, मोहगणी, फणस, बकुळ, पिंपळ, करंज,कदंब यांसारख्या २५ वृक्षांच्या प्रजातींची लागवड करण्यात आली आहे.

SNDT Miyawaki Method Chhatrapati Shivaji Maharaj International Airport Mumbai Municipal Corporation