‘कान्स’ स्क्रीनिंगनंतर ‘मंथन’ ४८ वर्षांनी पुन्हा थिएटर्समध्ये; कधी, कुठे होणार प्रदर्शित? जाणून घ्या

28-May-2024

Total Views | 30

मुंबई : प्रतिष्ठित कान्स फिल्म फेस्टिव्हलमध्ये झळकलेला ४८ वर्षांपुर्वीचा मंथन चित्रपट आता पुन्हा एकदा प्रेक्षकांना पाहण्याची संधी मिळणार आहे. ‘मंथन’ परत एकदा भारतात चित्रपटगृहांमध्ये प्रदर्शित केला जाणार असून याबाबत फिल्म हेरिटेज फाऊंडेशनने माहिती दिली.

मंथन हा चित्रपट ५ लाखांपेक्षा अधिक शेतकऱ्यांनी गोळा केलेल्या पैशांतून उभारलेला चित्रपट आहे. १९७६ साली आलेल्या या चित्रपटाच्या निर्मितीसाठी या शेतकऱ्यांनी आर्थिक मदत केली होती. प्रत्येकी दोन रुपये शेतकऱ्यांनी दान केले होते.

दरम्यान, कान्सला झालेल्या स्क्रिनिंगला अभिनेते नसीरुद्दीन शाह यांनी त्यांच्या अभिनेत्री पत्नी रत्ना पाठक शाह, दिवंगत सहकलाकार स्मिता पाटील यांचा मुलगा प्रतीक बब्बर, डॉ. कुरियन यांची कन्या निर्मला कुरियन, अमूल एमडी जयेन मेहता आणि एफएचएफ संस्थापक शिवेंद्रसिंह डुंगरपूर उपस्थित होते.

रिस्टोअर्ड ‘मंथन’ १ आणि २ जून रोजी भारतातील काही मोजक्याच शहरांमध्ये प्रदर्शित करण्यात येणार. मुंबई, नवी दिल्ली, आणंद, राजकोट, चेन्नई, कोची, हैदराबाद, जयपूर, बडौदा, सूरत आणि चंदीगडसह ३८ शहरांमध्ये पुन्हा हा चित्रपट प्रदर्शित केला जाईल.

श्याम बेनेगल दिग्दर्शित या चित्रपटाची कथा विजय तेंडुलकर आणि डॉ.कुरियन यांनी लिहिली होती. स्मिता पाटीलशिवाय नसीरुद्दीन शाह, गिरीश कर्नाड, कुलभूषण खरबंदा, मोहन आगाशे, अनंत नाग आणि अमरीश पुरी यांच्या या चित्रपटात महत्त्वाच्या भूमिका आहेत.

manthan cannes smita patil nasaruddin shah