सांगियोटे गावातील लोकांचा ईद साजरी न करण्याचा निर्णय

जम्मू काश्मीर : सांगियोटे या गावातील नागरिकांनी आज ईद साजरी न करण्याचा निर्णय घेतला आहे. पूछ येथे झालेल्या भ्याड हल्ल्याच्या पार्श्वभूमीवर हा निर्णय घेतल्याचे सांगितले आहे. पूछ दहशतवादी हल्ल्यात ५ जवान शहीद झाले. इफ्तार पार्टीसाठी फळे आणि अन्य सामान सैन्याच्या वाहनातून नेले जात होते, त्यावेळी वाहनावर दहशतवाद्यांनी हल्ला केला त्यात ५ जवान शहीद झाले. इफ्तार पार्टीसाठी ४,००० लोक येणार होते. गुरूवारी या इफ्तार पार्टीचे आयोजन करण्यात येणार होते. परंतु, त्यापुर्वीच दहशतवादी हल्ला झाला.