पाकिस्तानमधील वाढती अराजकता आणि ‘मेक इन इंडिया’ची दमदार वाटचाल

 

‘पॉप्युलर फ्रंट ऑफ इंडिया’च्या (पीएफआय) कारवाया आणि राजस्थानमधील हिंसक अतिरेकी अजेंडा या प्रकरणातील तपास पूर्ण झाल्यानंतर ‘एनआयए’ने आरोपपत्र दाखल केले आहे.‘डिफेन्स रिसर्च अ‍ॅण्ड डेव्हलपमेंट ऑर्गनायझेशन’ने ‘लाईट कॉम्बॅट एअरक्राफ्ट लिमिटेड सीरिज प्रोडक्शन’ (एलएसपी - ३) विमानांवर ‘पॉवर टेक ऑफ शाफ्ट’ची (पीटीओ शाफ्ट) पहिली उड्डाण-चाचणी यशस्वीपणे केली आहे. या ‘पॉवर शाफ्ट’ची निर्मिती चेन्नईस्थित ‘कॉम्बॅट व्हेईकल्स रिसर्च अ‍ॅण्ड डेव्हलपमेंट एस्टॅब्लिशमेंट’द्वारे करण्यात आली आहे. हा ’आत्मनिर्भर भारत’च्या दिशेने आणखी एक मोठा टप्पा आहे.भारतीय नौदल, समुद्रातील शक्ती वाढवण्यासाठी २००हून अधिक ’ब्रह्मोस सुपरसॉनिक क्रूझ’ क्षेपणास्त्रे खरेदी करणार आहे. यासाठी नौदल २० हजार कोटी रुपयांचा करार करणार आहे. ‘ब्रह्मोस’ क्षेपणास्त्र समुद्रात शत्रूच्या जहाजांवर हल्ला करण्यासाठी वापरले जाते. क्षेपणास्त्रांव्यतिरिक्त, ‘ब्रह्मोस एरोस्पेस’ पाणबुडी, जहाजे, विमाने आणि ‘लॅण्ड प्लॅटफॉर्म’देखील बनवते.‘बीएसएफ’ने ‘अग्निवीरां’साठी दहा टक्के आरक्षण देण्यानंतर आता ‘सीआयएसएफ’तर्फे ‘अग्निवीरां’ना आणखी दहा टक्के आरक्षण दिले जाणार आहे.

भारतात ‘डिफेन्स स्टार्टअप’ची ‘इकोसिस्टीम’ तयार होत आहे. भविष्यातील युद्धाची व्याख्या बदलत असून भारताचे लष्करही बदलत आहे. प्रशासकीय स्तरावही अनेक सकारात्मक बदल होत आहेत.“पंतप्रधान नरेंद्र मोदी यांना शीख समुदायाविषयी विशेष स्नेह आहे. त्यांनी शीख धर्मासाठी खूप काही केले आहे.‘आयएसआय’च्या इशार्‍यावर काम करणार्‍या अमृतपालसारख्यांचा भारतीय शीखांशी कोणताही संबंध नाही,” असे प्रतिपादन ‘दल खालसा’चे संस्थापक आणि माजी खलिस्तान समर्थक जसवंत सिंग ठेकेदार यांनी केले आहे. खलिस्तानी असल्याचा दावा करणारा अमृतपाल सिंग हा पारंपरिक शीख नाही. अमृतपालसारखे लोक हे ‘आयएसआय’च्या हातचे प्यादे आहे. त्यामुळे अमृतपालच्या कथित चळवळीची भारतीय शीखांशी कोणताही संबंध नाही,” असे जसवंत सिंग ठेकेदार यांनी म्हटले आहे.कर्तारपूर कॉरिडोर सुरू करणे, छोटे साहिबजादे (गुरू गोविंद सिंग यांचा मुलगा) यांच्या स्मृती जागविण्यासाठी ‘वीर बाल दिवस’ घोषित करणे हे अतिशय महत्त्वाचे निर्णय आहेत. सुधारित नागरिकत्व कायद्याचेही (सीएए) जसवंत सिंग ठेकेदार यांनी समर्थन केले आहे. ‘सीएए’द्वारेच अफगाणिस्तानातील शीख आणि हिंदूंना सुरक्षितपणे भारतात आणणे शक्य झाले आहे. पंतप्रधान मोदी यांनी शीख शिष्टमंडळास आपल्या घरी बोलावून त्यांचा सन्मान केला होता .

त्यामध्ये भारताचा सर्वांत प्रमुख सहभाग आहे. हा द्विपक्षीय ठराव अरुणाचल प्रदेश राज्याला भारताचा अविभाज्य भाग म्हणून मान्यता देण्यासाठी सिनेटचा पाठिंबा व्यक्त करतो. त्याचप्रमाणे वास्तविक नियंत्रण रेषेवरील स्थिती बदलण्यासाठी चीनच्या लष्करी आक्रमणाचाही निषेध त्यामध्ये करण्यात आला आहे. अमेरिका-भारत धोरणात्मक भागीदारी वाढविण्यासही या ठरावामध्ये विशेष महत्त्व देण्यात आले आहे. या प्रस्तावात ‘पीपल्स रिपब्लिक ऑफ चीन’च्या आक्रमक आणि विस्तारवादी धोरणांचा दावाही फेटाळण्यात आला आहे.अमेरिकेच्या संसदेने भारतविषयी प्रथमच ठराव केला आहे. भारत हा अमेरिकेचा अतिशय महत्त्वाचा सहकारी असून संपूर्ण आशिया-प्रशांत क्षेत्रात भारताची अमेरिकेस गरज आहे.२०२३ मध्ये पाकिस्तान आणि चीन भारताच्या विरूद्ध वेगवेगळ्या प्रकारे, ‘मल्टिडोमेन युद्ध’ लढेल आणि त्याचा एक महत्त्वाचा आयाम असेल माहितीयुद्ध, जे प्रिंट मीडिया, सोशल मीडिया, इलेक्ट्रॉनिक मीडियामधून लढले जाईल. अपप्रचार युद्ध, मानसिक युद्ध करून भारतीय जनतेचे मत परिवर्तन करणे, त्याचा मुख्य उद्देश असेल. त्यामुळे या विरोधात भारताने वेळीच सर्तक राहून ठोस पावले उचलायला हवी.