स्वप्नील जोशीचे चाहत्यांसाठी सरप्राईज, म्हणाला “जगातील सर्व स्त्रियांना…”

 

 

मुंबई : 'वाळवी' चित्रपटानंतर अभिनेता स्वप्निल जोशी पुन्हा एकदा वेगळ्या भूमिकेतून प्रेक्षकांसमोर येणार आहे. मराठी मनोरंजसृष्टीतला चॉकलेट हिरो अशी ओळख असलेल्या स्वप्निलचा नाच गं धुमा हा चित्रपट येणार असल्याची माहिती त्याने त्याच्या सोश मिडिया अकाऊंटवरुन दिली आहे.

 

 

“काम करत असताना कलाकार म्हणून माझ्या निर्मात्यांनी माझ्यावर खूप प्रेम केलं, माझ्या स्वप्नांना बळ दिलं ! कदाचित म्हणूनच हे धाडस ! मित्रांच्या मदतीने, सह-निर्माता म्हणून एक नवीन प्रवास सुरु करतो आहे ! आईचा आशीर्वाद आहेच ! तुमचा ही असुद्या ! घटस्थापनेच्या शुभ मुहूर्तावर, जगातील सर्व सर्व स्त्रियांना त्रिवार वंदन करून घेवून येत आहोत… आमच्या नव्या चित्रपटाची घोषणा.. ‘नाच गं घुमा’. भेटूया चित्रपटगृहात १ मे २०२४ ला !”, असे कॅप्शन त्याने या पोस्टला दिले आहे.

 

या सोबत त्याने या चित्रपटाचा एक टीझर व्हिडीओही शेअर केला आहे. या चित्रपटाचे दिग्दर्शन परेश मोकाशी करणार आहेत. त्यामुळे ‘वाळवी’ नंतर पुन्हा एकदा परेश मोकाशी आणि स्वप्नील एकत्र काम करणार आहेत. हा चित्रपट १ मे २०२४ रोजी प्रदर्शित होणार आहे. परेश मोकाशी, मधुगंधा कुलकर्णी, स्वप्नील जोशी, शर्मिष्ठा राऊत, तेजस देसाई, तृप्ती पाटील हे या चित्रपटाचे निर्माते आहेत.