"साडेचार तास ईडी चौकशी! चहल म्हणाले होय आम्ही तेव्हा कंत्राटं दिली होती... पण"

इकबाल सिंह यांची सुमारे साडेचार तास चौकशी झाली आहे. या काळात टेंडर देत असताना झालेली अनियमितता याविरोधात भाजप नेते किरीट सोमय्यांनी तक्रार केली. त्यानंतर चहल यांना चौकशीसाठी समन्स बजावण्यात आले आहे. कोरोना काळात मुंबई महापालिकेकडून काढण्यात आलेल्या विविध कामांच्या निविदांमध्ये घोटाळा झाला, असा आरोपही करण्यात आला आहे. भाजप नेते किरीट सोमय्या यांनीही याबद्दल तक्रारी केल्या होत्या. सोमय्यांनी आझाद मैदान पोलीस ठाण्यात यासंदर्भात तक्रार दाखल केली होती. दरम्यान, या प्रकरणात शिवसेना खासदार संजय राऊत यांचे निकटवर्तीय सुजित पाटकर यांचेदेखील नाव पुढे आले आहे. तसेच, या प्रकरणाचा मुंबई पोलिसांच्या आर्थिक गुन्हे शाखेकडून तपास सुरू असून, आता याच प्रकरणाचा समांतर तपास ‘ईडी’कडून देखील केला जात आहे. दरम्यान, या प्रकरणी आता पालिका आयुक्त इकबालसिंह चहल यांची देखील चौकशी ‘ईडी’कडून केली जाणार असल्याचे समोर आले आहे.