बुलंदशहरच्या मशिदीत शुक्रवारच्या नमाजावेळी गोळीबार

हत्येची माहिती मिळताच बुलंदशहरचे जिल्हा दंडाधिकारी चंद्र प्रकाश सिंह आणि एसएसपी श्लोक कुमार यांनी घटनास्थळी धाव घेतली. पोलिसांनी घटनास्थळ गाठून तपास सुरू केला. एसएसपी श्लोक कुमार म्हणाले, “इद्रिस नावाचा एक व्यक्ती मशिदीत नमाज पढण्यासाठी गेला होता आणि तिथे त्याची हत्या करण्यात आली. बुलंदशहरमधील त्याच परिसरात राहणाऱ्या सरफराज नावाच्या व्यक्तीवर कुटुंबीयांनी आरोप केला आहे. याप्रकरणी पुढील कारवाई सुरू आहे. प्राथमिक तपासात जुन्या वैमनस्यातून ही हत्या झाल्याचे समजले. पण आम्ही या घटनेतील इतर बाजूही तपासत आहोत. पुढील तपासासाठी आम्ही मशिदीजवळील सीसीटीव्ही फुटेज तपासत आहोत. या प्रकरणातील आरोपींना लवकरच अटक करण्यात येईल.”